Компьютерде орындалатын алгоритмдердің қандай қасиеттері болатынын айтыңыз. Алгоритмнің түсініктілігі дегенді түсіндіріңіз. Мысал келтіріңіз

Компьютерде орындалуға тиіс алгоритмдерге мынадай талаптар қойылады:

1) алгоритм анық әрі дәл өрнектелуі тиіс;

2) оның модульдік (бөлікке бөліну) қасиеті, яғни алгоритмді кішкене бөліктерге бөлу мҥмкіндігі болуы қажет;

3) алгоритм шектелген уақыттан соң нәтиже беруі тиіс, яғни алгоритм қадамдарының саны шексіз болмауы керек;

4) бір тектес есептерге жалпы бір ғана алгоритм қолданылуы тиіс

Алгоритмді компьютерде орындау үшін оларды алдын-ала жазып алу керек. Жалпы жағдайда, алгоритм жазудың келесі түрлері қабылданған:

1) табиғи тілдегі жазылуы;

2) белгілі бір түйінді сөздер – терминдер арқылы қысқаша тізбекті түрде жазу;

3) графиктік жолмен жазу;

4) программалау тілдеріндегі жазылуы.

Бірақ табиғи тілде жазылған алгоритм компьютерде орындалмайды, өйткені бұл жағдайда дәлдік, нақтылық сақталмайды. Алгоритмдерді графиктік жолмен жазу, кейіннен осы программалау тіліндегі программаға айналдыру жұмысы мемлекеттік стандартпен бекітіліп, ақпарат өндеу жұмысында кеңінен қолданылады.

Берілген мәселенің шешу жолдарының түсініктілігін оның алгоритмінің түсініктілігі деп қарастырады. Алгоритмде алдыңғы әрекеттің нәтижесі келесі әрекетте пайдаланылады.

Алгоритмнің түсініктілігі – Онда қандай қадамдар көрсетілсе, тек солар ғана орындалуы қажет. Есеп шығаруға керектің бәрі біржақты анықталуы және орындаушыға түсінікті әрі нақты болуы тиіс. Атқарушы алгоритм командаларын орындау кезінде ешқандай ойланбауы тиіс.

Мысалы: «Х санын квадратта» десен команданы бастауыш сыныпты оқушылары түсінбейді, ал «Х санын Х санына көбейт» деп берсе онда олар орындай алады. 5² = 25. 5*5 =25.

(80 + 10) – 5*(3+5) қадамдарға бөле отырып мысалды шешеміз.

1. 
   80 + 10=90 түсінікті
   
2. 
   3+5=8 түсінікті
   
3. 
   5*8=40 түсінікті
   
4. 
   1- ші әрекет қорытындысынан 3- ші әрекет қорытындысын алып тастау.