“Спагетти” үлгісі (моделі)

Деректердің қарапайым векторлық құрылымы, картаның графикалық көрінісін “бірді бірге” ауыстыратын спагетти үлгісі болып табылады.

“Спагетги” үлгісінің (spaghetti model) синонимі векторлық топологиялық емес көрініс — сызықты және полигонды кеңістік нысандарының векторлық түрі, доғаның ретсіз немесе сегменттердің жиыны түріңде олардың геометриясын (топологиясын емес) сипаттау арқылы ұсынылған векторлық көріністің бір түрі.

Ол көбінесе барынша табиғи немесе логикалық түрде көрсетіледі, өйткені карта модель ретінде жүзеге асырылады. Аталуы ерекше болса да, ол өте нақты. Егер қағаз картаның әрбір графиктік нысан жабынын макаронмен (бір немесе бірнеше) көрсетсек, онда бұл модельдің жұмыс істейтін принципін табамыз. Әрбір бөлік қарапайым жұмысты атқарады: өте қысқасы — нүктелер үшін, ұзындары — түзу кескін шекаралары үшін, ал ұштары – біріккен кесінділер жиынтығы — аймақ шекаралары үшін.

Спагетти — модельде аналогтық картаның “бірге бір” көшірмесі сияқты көрінгенімен, нысандар арасындағы қатынас (топология), мысалы, сыбайлас аймақтар орындары, компьютерге нақты түрде жазылмай жобалау түрінде беріледі. Сондықтан барлық нысандардың өзара қатынастары тәуелсіз түрде есептелуі қажет. Ал бұл үлкен қосымша есептеу мөлшерін көбейтеді, сараптау және өлшеу үрдісін қиындатады. Дегенменен, спагетти — модел қағаз картаға өте ұқсас болғандықтан, ал ГАЖ-ға сараптама аса қажет болмай жатса, компьютерлі картографияда картографиялық бейнелеудің тиімді моделі ретінде пайдалануға болады.