Зерттеу міндеті

“Спагетти үлгісіне” қарағанда топологиялық үлгі топологиялық ақпаратты нақты түрде құрайды. Аналитикалық әдістерді демеу үшін компьютерге нақты топологиялық ақпаратты көбірек енгізу қажет.

Векторлы-топологиялық ұсыныс (аrс-model) синонимі сызықты-түйінді ұсыныс — сызықты және полигональды кеңістіктік нысандардың геометриясын ғана емес, сол сияқты полигондар, доғалар мен түйіндер арасындағы тополиялық қатынасты да сипаттайтын векторлық көріністің бір түрі. Топологиялық ақпарат түйіндер мен доғалар жиынтығымен сипатталады.

Түйін (node junction) векторлы-топологиялық ұсыныстың бастапқы (beginning point start node) немесе соңғы нүктесі (ending point start node). Бұл кеңістік нысандардың векторлы-топологиялық ұсынысында (сызықты-түйінді модельдері) барлық доғалармен ұштасатын топологиялық байланысты белгілейтін атрибуттарды құрайды. Екі доғаны немесе бір өзіне тоғыстыратын (қиылыстыратын) түйіндерді псевдотүйіндер деп (рseudo node) атайды.

Доға (аrс) – 1. Түйіндерде басы және соңы қосылатын тізбектелген сегменттерді айтады. Доға сызықтық және полигондық нысандар ұсынысының кеңістіктегі векторлы-топологиялық элементі. 2. Көптеген нүктелермен белгіленген аналитикалық функциямен анықталатын қисық. Доға аралық (пішін құрайтын) нүктелермен біріктірілген кесіңділердің жүйеліліктерінен пайда болады. Бұл жағдайда әрбір сызық сандардың екі жиынтығына иеленеді: аралық нүктелер мен түйін нүктелерінің қос координаттары. Яғни әрбір доға өзінің жеке нөмірін иеленеді, ал түйіндер оның басы мен соңын көрсету үшін пайдаланылады.

Доғалармен шектелген алаңдар да арнайы кодтарды иеленеді, бұл кодтар олардың доғалармен қатынасын анықтау үшін пайдаланады. Одан кейін, әрбір доға аралас алаңдарды табуға мүмкіндік беретін оның оң және сол жағындағы аймақтардың нөмірлері туралы нақты ақпаратты кұрайды.