Зәр түзу мүшелері анатомиялық – физиологиялық ерекшеліктері

жүктеу 43,67 Kb.

бет	6/8
Дата	03.02.2022
өлшемі	43,67 Kb.
	#35432

1 2 3 4 5 6 7 8

2937eab2-d60c-4ee8-b610-48b0f5411611 (1)

Даму механизмі. Пиелонефрит ауруында инфекция бала организміне 3 түрлі жолмен өтеді:

Гематогендік жолмен - әртүрлі ірің ошақтарынан немесе қабыну ошақтарынан қан арқылы өту;
Лимфогендік жолмен – ірің ошақтарынан лимфа арқылы өту;
Уриногендік жолмен – зәр шығару жолдары арқылы төменнен жоғары қарай тарау.

Клиникасы. Пиелонефрит ағымы бойынша өткір (6 айға дейін), қайталанғыш және жасырын түрде өтеді. Өткір пиелонефриттің клиникалық белгілері жедел дене қызуы көтерілуден, интоксикациядан басталады. Одан кейін диспепсиялық, дизуриялық белгілер қосылады: баланың іші ауырып, құсады, жиі дәретке отырады, кейде дәретін ұстай алмау байқалады (энурез). Баланың іші, белі ашып ауырады, Пастернацкий белгісі оң нәтиже көрсетеді. Зәрдің жалпы тексерісінде өзгерістер пайда болады: зәрдің мөлдірлігі төмендейді, көп мөлшерде эпителий клеткалары, лейкоциттер – лейкоцитурия, бактериурия, гематурия анықталады. Қанда лейкоцитоз, ЭШЖ жоғарылайды, анемия. Пиелонефриттің қайталанғыш түрінде баланың жалпы жағдайы көп уақытқа дейін өзгермейді, қайталану (рецидив) кезінде: температура көтеріледі, баланың жалпы жағдайы бұзылады, белі, іші ашып ауырады, зәрде лейкоцитурия анықталады. Ауру жиі қайталана берсе бүйрек қызметінің бұзылуына, бүйрек жетіспеушілігіне әкелуі мүмкін.

Пиелонефриттің жасырын (латентті) түрінде баланың жалпы жағдайы өзгермейді, ұзақ уақытқа дейін ауру білінбей жүреді, тек бала басқа аурулармен ауырған кезде барып дизуриялық белгілер және зәрде өзгерістер анықталады. Осы кезде сұрастыра келе баладан тез шаршағыштық, тәбеттің төмендеуі, кейде субфебрильді температура, ауық-ауық іші ауыратынын анықтауға болады.

жүктеу 43,67 Kb.

Достарыңызбен бөлісу:

1 2 3 4 5 6 7 8