Жоба қабылданған жағдайда болжанатын әлеуметтік-экономикалық және/немесе құқықтық салдарлар

Қаулы жобасын қабылдау және іске асыру туристік дестинациялардың тартымдылығы мен қолжетімділігін арттыру, отандық туристік өнімдер мен қызметтердің сапасын арттыру, елдің туристік әлеуетін ілгерілету және мақсатты нарықтарда Қазақстанның туристік дестинацияларының танылуын қамтамасыз ету мәселелерін шешуді қамтамасыз ететін болады.

Қаулы жобасы он жылдық кезеңге арналған «Kazakh Tourism» ұлттық компаниясы» АҚ стратегиялық бағыттарын, мақсаттары мен көрсеткіштерін айқындауға арналған, олардың ішінде:

1) «Kazakh Tourism» ҰК» АҚ қатысуымен іске асырылатын туристік сала жобаларына 39 млрд. теңгеден кем емес инвестициялар тарту;

2) «Kazakh Tourism» ҰК» АҚ қатысуымен бірлескен жобаларды іске асыру шеңберінде басым туристік дестинацияларда нөмірлік қорын 1800 төсек-орынға арттыру;

3) Kazakhstan.travel ұлттық туристік порталын дамыту және ілгерілету;

4) туристік сала үшін мамандандырылған ақпараттық жүйелерді дамыту мен енгізу;

5) Қазақстанды халықаралық туристік дестинация ретінде ілгерілету: мақсатты нарықтарда 1,2 млрдтан кем емес әлеуетті туристерді жарнамалық хабарламалармен қамту;

6) 2028 жылда ішкі келушілер санын 10 млн. адамға, сырттан келушілер санын 9,7 млн. адамға дейін арттыру.