Технологиялық машиналардың сенімділігі

Пәнді оқытудың мақсаты

Технологиялық машиналар мен жабдықтардың автоматтандыру деңгейін жоғарылату, жөндеуге кететін шығын шамасын төмендету, адамдардың қауіпсіз жұмыс істеуін қамтамасыз ету мен ұзақ тұрақтылық пен сенімділігін арттыру мәселелерін шығармашылық тұрғыдан шешуге қажетті студенттердің білімі мен дағдыларын қалыптастыру.

Студенттерге механикалық жабдықтардың сенімділігі мен ұзақ тұрақтылығын қамтамасыз ететін мәселелерді қазіргі машина жасау өндірісінің мүмкіндігі мен машиналардың параметрлерін тиімді пайдалану арқылы шешуді үйрету.

Сенімділік деп заттың белгіленген уақыт аралығында өзінің параметрлерін барлық деңгейде сақтай отырып, жұмыс істеу барысында өз міндетін қамтамасыз ететін қасиетін айтамыз.
Машиналардың құрылысы мен жұмыс істеу жағдайының әртүрлілігіне қарамастан сенімділіктің көрсеткіштерінің қалыптасуы жалпы заңдылықпен өтеді және бір логикалық оқиғаға бағынады.
Сенімділік деңгейі көп жағдайда техниканың негізгі бағыттарының даму дәрежесін анықтайды, олар: өндірісті автоматтандыру, жұмыс үрдісін қарқындату,материал мен энергияны үнемдеу, т.б.

Сенімділік, өндірістің жоғарғы талаптарына сәйкес қолданыстағы агрегаттар мен жабдықтардың іріленуіне, өнімділіктерінің өсуіне, құрылысының күрделуіне және жасалуы жоғары дәлдік қажет ететін жабдықтардың тиімділігі мен ұзақ тұрақтылығын, пайдалану қаупсіздігін жоғарылатуды қамтамасыз етеді.
Ескірген жабдықтарды жаңа сенімді жабдықтармен ауыстыру және істеп тұрған жабдықтарды жетілдіру бағытын анықтайды.
Жабдықтардың техникалық қолдану деңгейін жоғарылату үшін уақытылы және жоғары талаптарға сай жөндеу мен техникалық қызмет атқару жұмыстарының мерзімін анықтайды.

Өнім – кәсіпорындарда немесе жеке цехтарда т. б. орындарда жасалып шығатын бұйым.
Элемент өнімнің бір қарапайым бөлігі, сенімділік есептеулерінде бірнеше бөлшектерден тұруы мүмкін.
Жүйе – белгіленген міндетін өз бетінше атқара алатын, бірнеше бірге істейтін элементтер жиынтығы.

Достарыңызбен бөлісу: