С.Торайғыровтың М.Дулатовтың «Азамат» өлеңдер жинағына жазған рецензиясы

«Азамат - М.Дулатов жазған өлең кітабы. Баспасы таза, бұрынғы жазғандарына қарағанда бөтен тілден аршыңқы, мағынасы тереңірек. Әсіресе қышуға тиетін жері «Иә, алла», «қайтер едің», «газета журнал» деп бастағандары. Қапы жамылып, қайғы жұтып тұрған кезде жазған ғой. Кейбір уәзіндері бірден бір қысқа, ойнақы емес, оқушының арбасы сөзбен жүргендей ауырланып шығарлық».

Мақала міндетті түрде нақтылы бір күн тәртібінде тұрған, әдеби процесс алға ұсынған, қоғамдық маңызы бар зәру мәселеге арналады.

Осы қасиетіне орай оны кейде проблемалық мақала деп атайды.

Профессор Т.Қожакеев мақаланың бес түрлі белгісін көрсетеді:

Мақала ойды жалпыдан жалқыға қарай өрбітеді;

Фактілік материалдар талдау үшін алынбайды;

Сыни пікірін, мадақтау пікірін дәлелдеу үшін, соның растығына, дұрыстығына көз жеткізу үшін ғана алынады;

Жалпы бағыт-бағдарға байланысты жазылады;

Ой-пікірді жалпы саясат жағынан өрбітеді.