Шыѓыс ќазаќстан облысы тарбаѓатай ауданыныњ экономика б¤лімі

жүктеу 31,11 Kb.

Дата	21.01.2018
өлшемі	31,11 Kb.
	#7824

Тарбағатай ауданының 2016 жылдың қаңтар-желтоқсан айларындағы әлеуметтік-экономикалық даму қортындылары туралы ақпарат
Өнеркәсіп саласы бойынша 2016 жылдың желтоқсан айында 1322,8 млн теңгенің өнімі шығарылып, нақты көлем индексі 105,4 пайызға орындалды.

Бөлшек тауар айналымы. Ауданда бөлшек тауар айналымы бойынша тоқсан сайын есеп беретін 5 кәсіпорын тіркелген Бөлшек тауар айналымының салыстырмалы бағада 6264,9 млн теңгені құрап, өсу қарқыны 116,7 %.

Ауыл шаруашылығы саласында өндірілген жалпы өнім көлемі 25016 млн теңгені құрап, табиғи индекс көлемі 100,8 % болды.

Есепті мерзім ішінде барлық өндірілген ет тірі салмақта 21940 тоннаны, сауылған сүт 81706 тоннаны, алынған жұмыртқа 3748 мың. дананы құрап, ет өндіру 102,2 пайызға, сүт өндіру 112,0 пайызға, жұмыртқа өндіру 103,9 пайызға орындалды.

Шаруашылықтың барлық санаттарында мал басы мен құс санының өсу қарқыны қамтамасыз етіліп, Ірі қара саны 103921 мың басқа (өсім 2,4%), қой-ешкі 282255 мың басқа (кемуі 7,7%), жылқы – 23333 мың басқа (өсім 2,7%), құс – 26,9 мың басқа (өсім 100,1%) жеткізілді.

Шағын бизнес субъектілері бойынша ауданда шағын бизнестің 71 кәсіпорыны тіркелді. Оның ішінде белсенді жұмыс істейтін 44 кәсіпорын тіркеліп, былтырғы жылдың есепті кезеңімен салыстырғанда 104,8 пайызға орындалды.

Негізгі капиталға тартылған инвестиция көлемі 3531 млн теңгені құрап, былтырғы жылдың есепті мерзімімен салыстырғанда 116,6 пайызды құрап, нақты көлем индексі 110,6 пайыз болды.

Оның ішінде экономиканың нақты секторына жеке меншік қаражат есебінен тартылған инвестиция көлемі 2342,5 млн теңгеге немесе өсу қарқыны 129,5 пайызға орындалды.

Тұрғын үйді пайдалануға енгізу көрсеткіші бойынша 12 айда 7601 шаршы метр 58 тұрғын үй алаңы пайдалануға беріліп, 2015 жылмен салыстырғанда 117,4 пайызға орындалды.

Құрылыс жұмыстарының көлемі 1303,4 млн теңгеге орындалып, былтырғы жылдың есепті мерзімімен салыстырғанда өсу қарқыны (1425,9 млн теңге) 91,4 пайызға орындалды.

Мемлекеттік бюджетке түскен түсімдер 991,5 млн. теңгені құрап, болжам (925,3 млн. теңге) немесе 107,1 % орындалды. Өткен жылмен салыстырғанда түсімдердің өсу қарқыны – 112,0 % құрады

Меншікті кірістер бойынша аудан бюджетінің болжамы 793,8 млн теңгеге немесе 102,8 % орындалды.

Денсаулық сақтау саласы бойынша.

Есепті мерзім ішінде 713 бала дүниеге келіп, туу көрсеткіші былтырғы жылдың ұқсас мерзімімен салыстырғанда (857 бала) 144 балаға азайды.

Былтырғы жылмен салыстырғанда қайтыс болу көрсеткіші 7 адамға азайып, қайтыс болғандар саны 349 адам болды.

Ауданда туберкулезбен алғаш ауырған 17 адам тіркеліп, былтырғы жылдың тиісті кезеңімен салыстырғанда 85 % болды (2015 жылы 16 адам).

Әлеуметтік қорғау саласында 12 айда ресми тіркелген жұмыссыздар саны 170 адамды құрап, былтырғы жылдың тиісті кезеңімен салыстырғанда 100 пайыз.

Тұрғын үй көмегін алушылар – 31 алушы отбасына немесе 206 пайызға көбейіп (60-29), мемлекеттік атаулы әлеуметтік көмек алушылар – 103 адамға немесе 77,1 пайызға (347-450), балалар жәрдемақысын алушылар – 602 балаға немесе 89,8 пайызға азайған (5315-5917).

Мектепке дейінгі білім және тәрбиемен қамту бойынша 25 бала бақша 37 шағын орталық жұмыс істейді. Онда аудандағы мектеп жасына дейінгі 1-6 жас аралығында тіркелген 2784 бала 100 пайыз қамтылып, былтырғы жылдың есепті мерзімімен салыстырғанда 100,3 % .

Қылмыстылық.

Есепті мерзім ішінде 269 қылмыс тіркеліп, былтырғы жылмен салыстырғанда тіркелген қылмыс саны 14 бірлікке көбейсе, қылмыстың ашылуы 106,7 пайызды құрады.

жүктеу 31,11 Kb.

Достарыңызбен бөлісу: