Сапаров Бексултан,Сиб -1901 Саясаттану курсын оқу барысында менің түсінгенім. Саясаттанудың басқа ғылымдармен байланысы. Эссе

Саясат – қоғам, мемлекет жəне əрбір азаматтың тіршілігінің негізі. Əсіресе саясаттың рөлі мен маңызы, қоғамның негізгі құндылықтары мен идеалдарының өзгеріске ұшыраған, өтпелі тарихи кезеңдерінде ерекше мəнге ие болады. Мұндай түбегейлі өзгерістерді жас егемен Қазақстан Республикасы да басынан кешіруде. Қоғамның рухани жəне интеллектуалдық жағынан жаңарып, əлеуметтік жəне гуманитарлық құндылықтарын қайта қарап қалыптастыруда, саясаттану ғылымның өзектілігі даусыз.

Қазіргі қоғамның саяси шындығын шынайы түрде ашу саясаттанудың басты мақсаты болып табылады.

Саясаттану курсы бізге билік, азаматтық қоғам, құқықтық мемлекет, саясат, саяси жүйе түрлері, саяси режимдер, саяси мəдениет, қазіргі қоғамның саяси институттарымен қоғамдық даму мəселелерін түсінуге көмектесті.

Саясаттанудың бір бөлімі – саяси ойлар саясатты белгілі бір тарихи кезеңдердегі жүйелі саяси парадигмаларын анықтауға мүмкіндік береді.Саясаттануды оқып – үйренуші студент кең көлемде білімді ғана емес, сонымен бірге ғылыми талдау əдістерін үйреніп, қоғам мен мемлекетті болашақтағы саяси дамуын болжай алатын, қазіргі саяси құбылыстарға творчестволық талдау – зерттеу жасай білетіндей болуы керек.

Пəннің мақсаты теориялық мəселелерді студенттерге ұғынықты түсіндіріп оқытып қана қоймай, олардың білімін іс жүзінде қоғам өміріне пайдалана алатындай дəрежеге жеткізу. Біздің заманымызда қандай кəсіппен айналысқанына қарамастан саяси білім мен мəдениет əр адамға қажет. Себебі ол қоғамда тұрып, тіршілік еткендіктен басқа адамдармен жəне мемлекетпен сөз жоқ, бірлесіп əрекет жасау керек. Мұндай білімі жоқ адам саяси істерде амал – айла, құлықтың құлы болып кетеді. Оны саяси жағынан белсенді күндер өз мақсатына пайдаланып, ойындағысын істейді. Білу жəне меңгеру саяси ғылымның негіздірін игеру арқылы, əсіресе, қазіргі өтпелі кезеңде күрделі қоғамдық саяси жағдайда еркін бағдар ұстап, іс-əрекет жасауға, ішкі жəне сыртқы саясат құбылыстарын дұрыс ұсынуға, басқа адамдардың құқықтарын қадірлей отырып, өзінің мақсат мүддесін қорғауға кең жол ашады.

Саясаттану басқа қоғамдық ғылымдармен тығыз байланыста дамиды. Өйткені олардың зерттеу объектісі-ортақ қоғамдық өмір.Саясаттану ең алдымен философиямен тығыз байланысты. Философия-табиғат, қоғам және таным дамуының неғұрлым ортақ заңдылықтары туралы ғылым.Ол саясатты философиялық тұрғыдан дәлелдейді,саяси құбылыстармен процестерді талдауға дүниетанымдық бағдар береді. Бірақ ол мәселелерді,  құбылыстарды, өмірдің жекелеген жақтарын қарастырғанда өзінің өресі тарлығын байқатады. Саясаттану қоғам өмірінің саяси саласындағы жалпы заңдылықтарды нақтылайды, анықтайды, саяси танымды тереңдетеді, саяси көзқарасты қалыптастырады. Саясаттану өмірдің жалпы жақтарын қарастырғанда, философия тұжырымына сүйенеді, ал саясаттың нақтылы жақтарына келгенде философия саясаттануға жүгінеді.

Саясаттану экономикалық теориямен өзара байланысты. Саяси экономия саяси процестерді экономикалық тұрғыдан дәлелдей отырып, ол процестердің негізіне әр түрлі әлеуметтік топтардың өз мүдделерін жүзеге асыру үшін күресіп жатқанына көз жеткізеді. Саясаттану экономикалық саясатты дайындау және іске асыру, ол процестерді мемлекеттік реттеу принциптерін ғылыми түрде негіздейді.