- Гарнизондық және қарауылдық қызметтер жарғысы
- Сабақтың тақырыбы:
- «Тәуліктік наряд. Тәулік кезекшінің құқықтары мен міндеттері.»
Сабақтың мақсаты: - Тәуліктік наряд, оның құрамы, тағайындалу тәртібін және лауазымдық тұлғалардың негізгі міндеттерін оқып, білу.
- Оқушылардың әскери білімдерін арттыру.
- Оқушыларды Қазақстандық патриотизмге баулу, оқушылар арасында шынайы әскери достықты нығайту.
- Сабақтың жоспары:
- 1. Тәуліктік наряд, оның құрамы
- 2. Тәуліктік нарядтың тағайындалуы
- 3. Тәуліктік нарядтың лауазымдық тұлғалардың негізгі міндеттері
- Тәуліктік наряд. Тәулік кезекшінің құқықтары мен міндеттері
- Тәуліктік наряд- әскери даярлық пен ішкі тәртіпті сақтауға, әскери бөлімнің жеке құрамын, қару-жарағын, әскери техникасы мен оқ-дәрілерін, материалдық қорларын, үй жайлары мен мүліктерін күзетуге, бөлімшелердегі істің жай-күйін бақылауға және құқық бұзудың алдын алу жөнінде дер кезінде шаралар қабылдауға, сондай-ақ осы жарғыда белгіленген тәуліктік наряд қызметі бойынша басқа да міндеттерді орындауға арналған.
- Бөлімнің тәуліктік нарядының құрамы:
- — бөлім бойынша кезекші;
- — бөлім бойынша кезекшінің көмекшісі;
- — қарауыл;
- — кезекші бөлімше;
- — парк бойынша кезекші және тәуліктік кезекшілер, кезекші сүйреткіштердің механик-жүргізушілері;
- — кезекші фельдшер және медпункт бойынша тәуліктік кезекшілер;
- — бақылау-өткізу пункті бойынша кезекші және оның көмекшілері;
- — бөлім штабы бойынша кезекші;
- — өрт наряды.
- Ротаның тәуліктік нарядына:
- - Рота бойынша кезекші
- - Рота бойынша тәуліктік кезекшілер тағайындалады.
- Ротадағы тәуліктік кезекшілердің ауысым санын бөлім командирі белгілейді. Жатақхана бойынша тәуліктік нарядтың құрамы, сондай-ақ олардың міндеттері ротаның тәуліктік нарядына сәйкестендіріліп белгіленеді.
- Қызмет бойынша нарядтарды тағайындаудың тәртібі
- Бөлімшелер нарядқа өздерінің командирлерімен бірге тағайындалады. Бөлім офицерлерінің және бөлімшелерінің арасындағы кезектілікті бөлім штабының бастығы белгілейді.
- Тәуліктік наряд тағайындалатын бөлімшелердің командирлері жеке құрамды іріктеп, қызмет атқаруға, оқу сабақтарына және жұмысқа таратуға дер кезінде келуі үшін жауап береді.
- Ротаға нарядтардың кезектілігін ротаның старшинасы, ал взводта – взвод командирінің орынбасары белгілейді.
- Сарбаздардың, сержанттар мен офицерлердің арасында кезекті нарядтардың саны біркелкі және әділ бөлінуі керек. Нарядтың қағаздары жыл бойы сақталады, сонан соң жойылады.
- Тәуліктік нарядқа дайындалу
- Тәуліктік нарядқа тағайындалатын бөлімшелердің командирлері жеке құрамды іріктеп және қызмет атқаруға даярлау үшін, оқу сабақтарына және жұмысқа таратуға дер кезінде келуі үшін жауап береді.
- Тәуліктік нарядты жұмысқа тарату
- Жұмысқа таратудың ұзақтығы 40 минуттан аспау керек. Жұмысқа таратудың басталуына 10 минут уақыт қалғанда бөлім бойынша кезекшінің көмекшісі тәуліктік нарядты сапқа тұрғызып, түгел болуын тексеріп, ол туралы бөлім бойынша кезекші келген кезде баяндайды.
- Жұмысқа тарату кезінде тәуліктік наряд: оң қапталда – қарауылдар, сосын оңнан солға – парк бойынша кезекші, кезекші фельдшер (санитарлық нұсқаушы), бақылау-өткізу пункті бойынша кезекші, бөлім штабы бойынша кезекші, бөлімшелер ретіндегі роталар бойынша барлық кезекшілер, шабармандар, асхана бойынша кезекші, өрт нарядының бастығы, кезекші белгі беруші-барабаншы; бақылау-өткізу пункті бойынша кезекшінің көмекшілері, тәуліктік кезекшілер мен кезекші сүйреткіштердің механик-жүргізушілері (жүргізушілер) тұрады.
- Тәуліктік нарядтағы лауазымды тұлғалардың негізгі міндеттері
- Бөлім бойынша кезекші бөлімнің басқару офицерлерінен, рота командирлері мен оған теңестірілгендерден тағайындалады. Ол бөлімшелер мен бөлім басқармаларының ішкі тәртібін қадағалап, тәуліктік нарядтың қызмет өткеруіне, офицерлерінің пистолеттері мен оқ-дәрілерінің сақталуы үшін жауапты. Бөлім бойынша кезекші бөлімнің командиріне бағынады. Оған бөлімнің барлық тәуліктік наряды бағынады.
- Бөлім бойынша кезекшінің көмекшісі кіші офицерлерден немесе әскери қызметті келісім шарт бойынша өткеруші іскери қызметкерлерден сайланып, бөлім бойынша кезекшіге бағынады, кезекшінің орнында қала отырып, оның міндеттерін орындауға міндетті.
- Бақылау-өткізу пункті бойынша кезекші сержанттардан тағайындалады. Ол бөлімге келген-кеткен адамдарды бақылау-өткізу пунктінен дұрыс өткізу-шығару мен қандай да бір болмасын мүлікті алып шығудың (алып кірудің) немесе әкетудің (әкелудің) дұрыстығына жауап береді.
- Бақылау-өткізу пункті бойынша кезекшінің көмекшісі сержанттардан немесе сарбаздардан тағайындалады. Ол бақылау-өткізу пункті бойынша кезекшіге бағынады.
- Бөлім штабы бойынша кезекші бөлім сержанттарынан тағайындалады. Ол штабтың қызмет бөлмелерін күзету, штаб үй-жайларының тазалығын, телефонограммаларды дер кезінде қабылдау үшін жауап береді. Бөлім штабы бойынша кезекші бөлім бойынша кезекшіге, оның көмекшісіне бағынады.
- Медициналық пункт бойынша кезекші фельдшер медициналық пунктегі ішкі тәртіпке жәнедәрігер болмаған жағдайда – дәрігерге дейінгі медициналық көмек көрсетуге жауап береді. Ол бөлім бойынша кезекшіге, көмекшісіне және медпунктің бастығына бағынады. Оған медпункт бойынша тәуліктік кезекшілер бағынады.
- Асхана бойынша кезекші кіші офицерлерден, сержанттардан тағайындалады. Ол қоймадан азық түліктің дұрыс алынуына, олардың қазанға керекті мөлшерде толық салынуына, белгіленген норма бойынша тамақтың дер кезінде берілуіне, асханалық ыдыс аяқтың басы бүтіндігіне, санитариялық гигиеналық күйіне және ондағы тәртіп жағдайына жауап береді. Асхана бойынша кезекші бөлім бойынша кезекшіге, оның көмекшісіне, тыл жөніндегі бөлім командирінің орынбасарына және бөлімнің азық түлік қызметінің бастығына бағынады. Оған асханада жұмыс істеуге белгіленген тәуліктік наряд және аспазшылар бағынады.
- Өрт наряды бөлім өрт командасынан құралады, оның құрамына: наряд бастығы, жүргізушілер және өрт сөндіруші машиналар кіреді. Өрт наряды бөлім бойынша кезекшіге және өрт командасының бастығына бағынады.
- Рота бойынша кезекші сержанттардан не жақсы даярланған сарбаздар қатарынан тағайындалады. Ол күн тәртібінің дәл орындалуына және ротадағы ішкі тәртіпті сақтау жөніндегі басқа да ережелерді орындауға, қарулардың, оқдәрі жәшіктерінің, рота мүліктерінің, тәуліктік кезекшілердің қызметті дұрыс өткеруі үшін жауап береді. Рота бойынша кезекші бөлім бойынша кезекші мен оның көмекшісіне, ал ротадағы ішкі қызмет тәртібі бойынша – рота командиріне және рота старшинасына бағынады.
- Рота бойынша тәуліктік кезекші сарбаздардан тағайындалады. Ол өзінің қол астында күзетуге тұрған қару жарақтың, пистолеттер тұрған шкафтардың, оқдәрі салынған жәшіктердің, рота мүліктерінің және сарбаздар мен сержанттардың жеке заттарының сақталуы үшін жауап береді.
- Рота бойынша кезекті тәуліктік кезекші казармалық үй жайдың ішінде кіре беріс есіктің жанында, қару жарақты сақтауға арналған бөлменің жанында қызметін өткереді.
- Рота бойынша кезекшісінің қызмет өткеру орнында
- Байланыс құралдары (селектор, телефон)
- Бөлімшелерге хабарлайтын техникалық құралдар
- Жарықтандырудың резервтік көздері
- Тәуліктік күзет құжаттамасы жазылған стенд
- Таңертеңгі дене шынықтыру жаттығуларына арналған киім үлгісі
- Үлгілік пәрмендер мен белгілердің тізімі
- Дабыл бола қалған жағдайдағы ұрыс машиналарының мөрленген жәшіктегі кілттер жиынтығы
- Қару жарақтар мен оқ дәрілерді беру кітабы
- Аумақтық тазарту үшін ротаға бекітілген учаскенің сызбасы
- Рота бойынша кезекшіде (тәуліктік кезекшіде)
- Өтілген тақырыпқа байланысты қайталау сұрақтары
- «Қазақстан Республикасы Қарулы Күштерінің гарнизондық және қарауылдық қызметтерінің Жарғысы»
- Қарауылдық қызмет:
- Қарауылдың құрамы.
- 3. Сақшы. Қол сұғылмайтын сақшы.
- Сақшының міндеттері.
- Сақшыларды айырбастау тәртібі
- Өз бетімен оқып-дайындалуға арналған материалдар:
- «Қазақстан Республикасы Қарулы Күштерінің гарнизондық және қарауылдық қызметтерінің Жарғысы»
- Рота бойынша кезекші мен рота бойынша тәуліктік кезекшінің міндеттері
- 2. Дәптерге конспект жазып келу:
- тәуліктік кезекші
- рота бойынша кезекші
- бақылау-өткізу пункті бойынша кезекші мен оның көмекшісі
Достарыңызбен бөлісу: |
