Сабақтың тақырыбы; Әә дыбысы мен әріпі

Сабақтың мақсаты; Әә дыбысы мен әріпімен таныстыру.Жазбаша түрін жазуды үйрету.Әә дыбысының жіңішке буынды сөздерде келетінін аңғарту.Ой- өрісін, тіл байлықтарын дамыту.Ұқыптылыққа , шапшаңдыққа тәрбиелеу.

• 
  Әә дыбысының дауысты дыбыс екенін , буын құрай алатынын біледі;
  
• 
  Әә әріпінің жазбаша түрін жаза алады;
  
• 
  Сөздерге дыбыстық талдау жасайды;
  
• 
  Мәтінді оқи алады;
  
• 
  Сурет бойынша тірек сөздер арқылы сөйлем құрай алады;
  
• 
  Сөздерді үш жақта тәуелдеп айтуға қалыптасады;
  
• 
  Ойын арқылы есте сақтау қабілетін дамытады;
  

Сабақтың әдісі; түсіндіру, сұрақ – жауап , көрнекілік, «ой қозғау», «топтастыру» стратегиялары.

Сабақтың көрнекілігі; кеспе әріптер, суретті плакаттар, қызыл, көк үйлер, текшелер.

Әліппе серігі,касса.

Сабақтың барысы:

І. Қызығушылығын ояту,

А) Психологиялық дайындық;

Қайырлы күн, достым,

Қайырлы күн болсын!

Сейсенбінің күні,

Сәттілікке толсын!

Біздің алар бағамыз,

Кіл бестіктер болсын!

ә) «Ой қозғау» стратегиясы:

Дидактикалық ойын; «Мен қай үйде тұрамын.»

Мақсаты; өткен әріптерді еске түсіру. Мысалы: қызыл, көк текшелерін дыбысты естігенде көтереді.О- қызыл текше,М- көк текше;

ІІ. Мағынаны тану:

А) Үйге берілген тапсырманы тексеру:

1)Өткен сабақта қай әріппен таныстық?

Іі дыбысы мен әрпі.

2)Қане сол Іі дыбысына сөздер ойлайық.

3)Іі дыбысы , қандай дыбыс?

Дауысты дыбыс.

ә) Жаңа сабақ:

Жұмбақ жасыру:

Таныстырған әріппен,

Мынау кітап Әліппең.

«Әліппе» деген аты оның,

Қай әріптен басталған?

Жауабы: Әә әріпінен.

Әкең, әжең, әлемің,

Ә-мен әсем,әдемің,

Ә-сіз аты аталмас,

Әділеттің, Әменнің.

Сөздер қандай дыбыстан басталып тұр?
Жауабы: Әә дыбысы.(хормен айтқызу) (ә әріпін көрсету)

Әә дыбысы қандай дыбыс?

Жауабы: Жіңішке дауысты дыбыс.(қызыл текшемен белгілейміз.)

Әә дыбысын қай үйге кіргіземіз?

Алфавиттегі орнын анықтаймыз.(кеспе ә әріпін салу.)

Б) «Топтастыру» стратегиясы:

Әшір

Ән әже
В) Сергіту сәті (қимылмен)

Айгөлек- ау, айгөлек

Айдың жүзі дөңгелек

Айдай толған кезінде

Би билейміз дөңгелек.

Г) Оқулықпен жұмыс.

1. 
   Әтеш – сөзіне дыбыстық талдау.
   
2. 
   Шардағы буындарды оқу.
   
3. 
   «Әнші» мәтінін оқыту, хормен оқыту.
   
4. 
   Сөздерді үш жақта тәуелденіп тұрғанына назар аударту.
   
5. 
   Сызба бойынша тірек сөздер арқылы сөйлем құрату.
   

1 ) Сергіту сәті.(қолға жасау. )

Бір, екі, үш,

Бойға жинап күш.

Қолға қалам аламыз,

Әдемі етіп жазамыз!

2) Ауада жазу

3) Кішкентай ә әрпін жазып үйрену.

Д) Дидактикалыық ойын: «Әріп тастамақ».

Мысалы: М – дауыссыз дыбыс. Моншақ.

О – дауысты дыбыс. Ою. Т.б.

Е) Тақтамен жұмыс: әже,сән,дән,ән,әл.

ІІІ. Ой толғаныс:

А)Қорытындылау.

Бүгін қандай әріппен таныстық,қандай дыбыс?

Тақтаға Ә әріпінің кішкене түрін жаздыру.

Ә) Дидактикалық ойын: «Дыбысты тап».

Үлгі: Мен дыбысты әндетіп айтамын ә дыыбысын естігенде шапалақтаймыз.м-м-м-о-о-о-т- т- т-с-с-с-ә-ә-ә-ы-ы-ы-і-і-і-ә-ә-ә-л-л-л-ә-ә-ә.т,с,с.

Б) Оқушыларды мадақтау.(жұлдызша үлестіру.)

Г) Үйге тапсырма; Әә дыбысы мен әрпі.

Сабақ аяқталды.Сау болыңдар.
Туремуратова Турсынгуль Токтарбаевна

СоналыЖОББМ

Өткізген: Туремуратова Т.Т.