Сабақ Тақырыбы: Практикумға кіріспе. Химиялық термодинамика негіздері. Жүйе параметрлерінің (температура, ішкі энергия, энтальпия, бос энергия, энтропия) тірі материямен байланысы. Термохимиялық есептеулер

Химиялық зертханада жұмыс істеу кезінде әртүрлі ыдыстар мен құралдар қолданылады. Пайдаланылатын ыдыстар негізінен шыныдан не металдан, фарфордан және пластмассалардан жасалады.

Ерітінділердің кішкене көлемімен /жартылай микрометрлік анализ/ жұмыс жасау кезінде пішіндері әртүрлі /конус не цилиндр/ пробиркалар қолданылады. Олар арнайы ағаштан, пласмассадан не металдан дайындалған штативтерге бекітіледі. Пробирканы қыздыру үшін арнайы қысқыштар пайдаланылады.

Ерітінділерді дайындау, сұйылту және титрлеу кезінде химиялық стакандар мен пішіні және сыйымдылығы әртүрлі колбалар қолданылады. Колбалар шартабанды және конус тәріздес болады. Ерітінділерді құю және сүзгілеу үшін шұңғымалар қажет. Қатты және сусымалы заттардың аз мөлшерімен жұмыс жасауда сағат шынысы не тереңдетілген фарфор табақшалары керек.

Ерітінділерді араластыру үшін шыны таяқшалар мен түтікшелер қажет. Көлемді өлшеу үшін, ерітінділердің белгілі көлемін алу үшін, түрлі өлшеуіш цилиндр, мензурка қажет. Ерітінділердің дәл көлемін өлшеу үшін пішіні мен сыйымдылығы әртүрлі пипеткалар пайдаланылады.

Ерітінділердің көлемін өлшеу үшін жоғары жағынан белгіленген бюреткалар қажет. Концентрациясы дәл ерітінділерді дайындау үшін сыйымдылығы әр түрлі өлшеуіш колбалар бар. Оларды ерітінді ыдыстың мойынындағы белгіге дейін толтырылады. Көлемі жуық шамамен белгілі ерітінділерді алу үшін өлшеуіш цилиндр, мензурка, стакандар пайдаланылады.

Қатты және сусымалы заттарды құрғату үшін және оларды ылғалдан сақтау үшін эксикаторлар қолданылады.

Қыздыру және сусыздандыру үшін әртүрлі фарфор стакандар мен табақшалар қажет. Қатты заттармен жұмыс істеуде пинцеттер қолданылады.

Қатты және сусымалы заттарды өлшеу әртүрлі таразылар көмегімен жүргізіледі: техникалық, аналитикалық т.б.