Инсульт алған науқасқа көрсетілетін медбикелік күтім

Мидың зақымданудың алғашқы минуттарда науқасты басы және иығы жастыққа тиіп, мойынын иілмейтіндей және омыртқа тамырлары бойынша қан жүрудің нашарламауындай етіп жатқызу керек. Дәл осы алғашқы сәттерде көрсетілген медициналық көмек ең тиімді болып саналады. Науқасты тасымалдау барысында келесі ережелерді сақтау керек: команың үшінші сатысы болмаса ғана, науқасты міндетті түрде жатқызылған күйде тасымалдау керек. Төсек тартып жатып қалу кезеңінің ұзақтығы инсульт түрінде, науқастың жалпы қал-жағдайына, неврологиялық бұзылулардың қалыптылығына және өмірлік қажетті қызметтерінің жұмыс істеуіне байланысты болады. Ишемиялық инсульт кезінде, науқастың жалпы жағдайының қанағаттанарлықтай күйі болғанда, неврологиялық бұзылулардың үдемелі емес және қалыпты гемодинамика кезінде төсек тартып жатуы 3-5 күндік емделуі мен шектеледі, ал басқа жағдайларда соматикалық қарсы көрсеткіштер болмаса ол екі аптадан аспауы керек. Егер миға қан құйылса ауырған уақытынан бастап, 1-2 апта шамасында төсек тартып жатуы ұсынылады. Субарахноидалды аневризмалық қан құйылу кезінде қан құйылудың қайталанбауы үшін төсектен 4-6 апта шамасында тұрмау ұсынылады. Аневризмаға қысқыш салу операциясы жасалған жағдайда, төсек тәртібі қысқартылуы науқастың жалпы жағдайына байланысты болады.