Рымєали Нўрєали

жүктеу 2,19 Mb.

Pdf просмотр

бет	37/73
Дата	19.01.2022
өлшемі	2,19 Mb.
	#33505

1 ... 33 34 35 36 37 38 39 40 ... 73

eda5ce42ce30f2a77b971a82b9f7e067-1

ІІ

Табиғатынан  керемет  дарынды  жаратылған  Мұхтар  Әуезовтің
ұлттық данышпанымыз  Абаймен,  керемет  қаламгер  Шәкәріммен туыс,
елдес,  жерлес  болуы  –  оның  өмірлік  тағдырында  шешуші  ықпал
жасаған  факторлардың  бірі.  Сахарада  арыстан  секілді  шөгіп  жатқан,
әрбір  сайы  тарих  шежіресін  шертіп  тұратын  қазыналы,  құтты
Шыңғыстау – үш алыптың, Абай, Шәкәрім, Мұхтардың ата мекені, тал
бесігі,  Мұхтар  ұлы  шешесі  Дінәсіл  әжесінің  бауырында  тәрбие  алып,
балалық шақтың көшпелі елдегі барлық қызығын көрумен қоса, ертегі-
жырды, аңыз-әңгімені зердесіне түгел құйып өседі. Осы Шыңғыстауда
Мұхтар  тұңғыш  ғашық  болған,  пенрзент  сүйген,  тұңғыш  еңбек  етіп
бала оқытқан, тұңғыш шығармаларын жазған, Шәкәрімнен бата алған;
шырқап  кеткен  шағында  туған  ауылын  сағынып  келіп,  апталап-айлап
жатады  екен;  қасына  әңгімешіл,  өнерпаз  серіктер  ертіп,  тау-тасты,
өлке-өзенді  атпен  аралайды  екен.  1957  жылы  күзде  жасы  алпысқа
келген,  даңқы  әлемге  жайылған  жазушы  көп  жылқының  ішінен
бұрынғы  Абай  ауылының  жүйрігін  жазбай  таныды;  кәрі-жасты,  ел-
жұртты  таң  қалдырып,  көзіне  моншақ-моншақ  жас  алып  тұрды.  Кім

215
білген, бұл ұлы суреткердің өмір бойы жырлаған ата мекен, туған жері
Шыңғыстаумен, ауылдас ағайынмен қоштасқаны екен ғой.
Білім  алу  жөнінен  Мұхтар  Әуезов  қолын  мезігілен  кеш  сермеген
жоқ:  ол  ХХ  ғасырда  қазақ  баласына  мүмкін  болған  мектеп
сатыларының  бәрінен  өтті:  училище,  семинария,  университет,
аспирантура.  Даланың  жыршысы  Мұхтар  Әуезов  көп  ғұмырын  қалада
өткізді: Семей, Орынбор, Ташкент, Ленинград, Москва, Алматы.
Дүние  жүзінің  бірқыдыру  елдері  Әуезовтің  үнін  естіді:  Америка,
Жапония,  Үндістан.  Қаламгер  Әуезов  түрлі  қызмет  істеді,  атақ-
дәрежеге  ие  болды:  Семей  губревкомының  мүшесі,  губисполком
төрағасы,  КазГУ,  МГУ  профессоры,  академик,  Қазақ  ССР  Жоғарғы
Советінің депутаты.

жүктеу 2,19 Mb.

Достарыңызбен бөлісу:

1 ... 33 34 35 36 37 38 39 40 ... 73