20 сурет –1Б140 жону автоматы.
Суретте (20-сурет) бірайналдырықты 1Б140 модельді жону-револьверлі автоматтың жалпы көрінісі берілген. Негізгі түзіліміндегі бөлшектер: табаны 8, тұғыры 6, айналдырық тұғыры 2, револьверлік бастиегі 5 бар револьверлік құралкүймешік 7, алдыңғы көлденең құралкүймешік 1 (артқы көлденең құралкүймешік те болады), бойлық құралкүймешік 4 (құралкүймешікте 1 орнатылған), көлденең вертикальді құралкүймешік 3 (олар екеу).
6.3.1.5 Жону- айналма үстелдік білдек
Жону- айналма үстелдік білдек диаметрі биіктігінен үлкен болатын орта және ірі дайындамаларды өңдеуге қолданылады; өңдеу кезде дайындаманың айналу осі вертикальді.
Дайындама тұғырдың 1 дөңгелек бағыттауышында орнатылған қысқұрылғыға 2 бекітіледі (21,а сурет).
Қысқұрылғы өкшелікке сүйендірілген айналдырықта бекітілген және бас электрқозғалтқыштан жылдамдық қорабы арқылы жүріс алады. Тіреуіштің 5 бағыттауышында револьверлі бастиекпен 3 бірге вертикальді құралкүймешікті 4 көтеретін маңдайша 6 бар. Осы бағыттауыштың үстінде бүйірлік құралкүймешік 7 орнатылған.
21 – сурет. Жону- айналма үстелді білдек.
Айналма үстелді білдектер бір- және екітіреуішті болады. Біртіреуішті білдектерді (21сурет) бүйірлі құралкүймешіктік етіп немесе онсыз дайындайды. Білдектердің өлшемдеріне қарай мұндай білдектерде өңделетін дайындамалардың диаметрінің ең үлкені 800 ден 1650 мм арасында. Екітіреуішті білдектер (21,б суреті) қатаңдау келеді және диаметрлері 26000 мм болатын ірі дайындамаларды өңдеуге қолданылады. Олардың маңдайшаларында екі құралкүймешік, ал оң жағындағы тіреуіште – бүйірлік құралкүймешік орнатылған. Кейбір білдектердің сол жағындағы тіреуішінің үстінде төртінші құралкүймешік болады. Айналма үстелді білдектер орта және ірі машинажасау зауыттарының барлығында кеңінен қолданылады.
6.3.2 Жону
«Жону» түсінігі келесі негізгі жұмыс түрлерін қамтиды: цилиндрлік, конустық және сұлбалы тесіктердің беттерін жону; бүйірлік беттерді жону және тілімдеу; бунақжону, кесіп алу, цилиндрлік, конустық және сұлбалық тесіктерді кеулейжону; кескіштермен бұранда қию.
Жону қаралтым және таза болып ажыратылады. Қаралтым жону (22,а-г суреті) кезінде жоңқаның басым бөлігі түсіріледі; қаралтым жонудың нәтижесінде беттік дәлдігі 12-14 квалитет, кедір-бұдырлық параметрлері Rа = 2080 мкм болып алынады. Жонуды қаралтым және таза болып ажыратылатын өтпелі кескіштермен жүргізеді. Дайындамаларды қаралтым өңдеу үшін қаралтым түзу оң жақтық (а) және сол жақтық (б); қайырылған оң жақтық (в) және сол жақтық (г) кескіштер қолданылады. Қаралтым кескіштердің бұрышы мен ұшының радиусын тағайындауда олардың беріктігінің жоғары болуын және кесу мүмкіншілігі мейлінше жеңіл болуын қадағалау керек.
22 – сурет. Кесу схемасы.
Таза өңдеу кезінде өңдеу беттің дәлдігі 7-11 квалитет, параметрі Rа = 0,6 5 мкм. Таза кескіштерді ұшының дөңгеленген радиусы үлкен (22,д,е суреті) және жалпақ кескіштер (22, ж,с суреті) деп ажыратады. Таза жонуға жіберілетін әдіптің мөлшері 1-2мм арасында өзгеріп отырады. Кесу жиегі дөңгеленген кескішпен таза жону кезіндегі беріс үлкен болмау керек (s = 0,2 мм/об.), ал жалпақ кескішпен жонуда 3 тен 30мм/об. дейін.
Бүйіржақ беттерді жону қаралтым және таза кескіштермен жүргізіледі (22,и суреті). Жону білдектерінің центрлеріне орнатылған дайындамалардың мұндай беттерін өңдеу үшін тіліктейтін (22, з суреті) кескіш қолданылады. Тіліктейтін кескіш шығу үшін артқы центр кесілген.
Дайындамаларды бөлшектерге бөлу және шеңберлі бунақтарды жону кесіп алатын және бунақтық кескіштермен жүргізіледі (22,к суреті). Алдын ала немесе дайындау операциялары кезінде тесілген тесіктерді қаралтым (22,,л суреті) және таза (кесетін жүзі дөңгеленген) кескіштермен кеулейжонылады. Өтпелі тесіктер үшін кеулейжонғыш кескіштердің алдыңғы бас бұрышы φ < 900 болады; тұйық тесіктер үшін (22,м суреті) осы бұрыш 900 -қа тең немесе 900 -тан үлкендеу болады.
Сұлбалы кескіштер дисклі (22,д суреті) және призмалы (22,о суреті) болады. Сонымен қатар сұлбалы топқа дисклі болып келетін бұрандакескіштер (22,п,р суреті) де жатады. Дисклі кескіштерді жасау қиын емес болғандықтан оларды қолдану сыртқы және ішкі сұлбалы пішіндерді өңдеуде кеңінен таралған. Призмалы кескіштер дисклі кескіштерден мықтырақ, бірақ оларды тек қана сыртқы беттерді өңдеуде қолданады. Қатаңдығын арттыру үшін призмалы кескіштерді 1 (22,о суреті) құралбілікте 2 бекітеді.
Достарыңызбен бөлісу: |
