Педагогтік дәреже номинацияларының сипаттамасы: Шебер мұғалім

Шебер мұғалім сыныбын мектеп және білім бөлімі бекіткен бағдарлама бойынша оқытады, сол аймақтағы білім жүйесі үшін маңызды педагогикалық және ғылыми-әдістемелік жұмысты көрсетеді. Мұндай дәреже кәсібиліктің жоғары деңгейіне жеткен және педагогикалық ұжымда беделге ие болған мұғалімге беріледі. Шебер мұғалім баланың өзін-өзі дамыту және шығармашылық қабілетін арттыратын жеке басқа бағытталған акмеологиялық тәжірибелерді сәтті жүзеге асырады, ол өз қабілетін дамыта отырып, білімді әрі тәрбиелі балалардың өсіп жетілуіне жағдай жасайды.

Зерттеуші мұғалім кәсіби деңгейі жоғары тұлға. Ол өзінің атқаратын қызметінің маңызын терең түсіне отырып, біліктілікпен жұмыс істейді. Зерттеуші мұғалімге тән ерекшелік парасаттылықты және нәзіктілікті арттыра отырып, ақылмен еңбектену, өзін қоршаған ортаға жаңа көзбен қарап, жаңа идеяның тамырын ашып, терең зерттей білу.

Көшбасшы мұғалім-бұл идеялар генераторы, нағыз шебер,ол өзінің әріптестерін белсенділікпен жұмыс істеуге тарта біледі, сендіре біледі.

Бақылау этикасы:

1.Директор-ең басты сырттай сарапшы. Мектепті оқу жылында дамытудың жоспарына сәйкес тексерулердің саны мен тақырыптарын директор мен оның орынбасары белгілейді. Тексеруге ешқандай норма қойылмайды.

Ең маңыздысы, мұғалім тексеру жүргізілетін уақыт пен оның тақырыбын және талдау критерилерін алдын ала білуі керек. Мұғалім сабаққа кімнің және не үшін келетіндігін білуі қажет.

Сабақты ұйымдастыру-бұл мұғалімнің жеке шаруасы. Сабаққа байланысты мәселенің бәрін мұғалімнің өзі шешеді.

2.Тәрбиелеу мен оқытудың барлық мақсаттарын бір ғана сабақ қамти алмайды. Бір ғана сабаққа барып, оның тәжірибесін, дайындық деңгейін, жасы мен мәнерін есепке алмай, мұғалімнің қызметі жөнінде пікір айтуға болмайды. Тек бұл сабақтың кем-кетіктері мен дидактикалық қиындықтарын ғана бағалауға болады.

3.Бақылау барысында режиссерлық қызметті атқаратын мұғалім еңбегінің бүкіл құрылымы мен мазмұнын көре білу керек. Ең бастысы-мұғалім таланты мен шабытының стилі болуы міндетті. Мұғалім оқу процесінің психологиялық аспектілерін ескеріп, оқушы дамуының деңгейін үнемі сынап отыруы қажет. Басты міндет-оқушыны жан-жақты тануға және түсінуге ұмтылу.

4.Бақылау тәртібі және сабақты талдау:

1-ереже. Тексеруші оқу процесіне АРАЛАСПАУЫ керек. Сабақ дегеніміз-ол мұғалімнің шығармашылығы. Сабақтың үстінде мұғалім өзі автор, актер болады. Мұғалімнің және оқушының тарапынан дөрекі кемшіліктер кетіп жатса да, ЕШҚАНДАЙ тексеруші оқу процесінің барысына араласа алмайды. Сын-ескертпелерді сабақтан кейін айту керек. Ал оларды келесі сабақта мұғалімнің өзі қадағалайды.

2-ереже. Тексерушінің мұғалім мен оқушыларға қатысты СЫПАЙЫ қатынасы.

Бақылаудың мақсаты жекелеген қателіктер жіберген мұғалімді аңду, әшкерелеу емес, күш-жігерді шеберлік пен шығармашылықты жетілдіруге бағыттай отырып, жіберілген қателіктерді шебер түзете білу.

Тексеруші өзі қатысқан сабақтағы мұғалім мен оқушыларға барынша қайырымдылық пен сыпайылық көрсетуге міндетті.

3-ереже. Оқу процесін бақылаған кезде барлық факторларды есепке алу.

4-ереже. Оқу процесін бақылау барысында оқытылған пәннің арнайы ерекшеліктерін, мұғалімнің жеке ерекшеліктерін есепке алу. Тексерушіге өте маңызды талап қойылады: оқу процесіне қойылатын бір ғана ғылыми негізделген талапқа сүйене отырып, әрбір сабақты жекеше бақылай және талдай білу.

5-ереже. Бүкіл педагогикалық жүйенің құрамдас бөлігі ретінде әрбір сабаққа қойылатын талаптардың мақсатқа сәйкестігі.

6-ереже. Мұғалімнің сабақ үстіндегі қызметіне қойылатын талаптардың бірлігі және өзара келісімділігі.