БЕКІТЕМІН
Шымкент университетінің ректоры,
х.ғ.к., доцент
___________________Шингисбаев Б.М.
«________»________________ 2014 ж.
КАДР БӨЛІМІ БАСТЫҒЫНЫҢ ҚЫЗМЕТТІК НҰСҚАУЫ
Осы нұсқаулық Қазақстан Республикасының Еңбек және халықты әлеуметтік
қорғау министрлігінің “Басшылар, мамандар және басқа қызметшiлер лауазымдарының
бiлiктiлiк анықтамалығын бекіту туралы” 2002 жылғы 22 қарашадағы № 273-ө бұйрығы
негізінде және “Еңбек туралы” Қазақстан Республикасының 1999 жылғы 10
желтоқсандағы № 493-1Заңына сәйкес жасалды және жеке еңбек шартына қосымша
ретінде қолданылады.
Нұсқаулық ҚР еңбек заңнамасының немесе Шымкент университетінің өндірістік-
экономикалық жағдайының өзгеруіне байланысты өзгертіледі және толықтырылады.
1. ЖАЛПЫ ЕРЕЖЕЛЕР
1.1. Кадр бөлімінің бастығы басшылар санатына жатады, ректордың бұйрығымен
жұмысқа қабылданады және босатылады.
1.2. Кадр бөлімінің бастығы лауазымына жоғары кәсіби білімі және инженерлік-
техникалық және басшылық лауазымдарда кадрларды басқаруды ұйымдастыру бойынша
кемінде 5 жыл жұмыс стажы бар тұлға тағайындалады.
1.3. Кадр бөлімінің бастығы ректорға бағынады.
1.4. Кадр бөлімінің бастығы өз қызметінің ерекшелігі бойынша:
– қызметкерлерді басқару жөніндегі заңнамалық және нормативтік құқықтық
актілерді,
әдістемелік материалдарды;
– еңбек заңнамасын;
– кәсіпорынның құрылымын және штатын, оның саласын, ерекшелігін және даму
перспективасын;
– кәсіпорынның кадр саясатын және стратегиясын;
– болжамдар жасау, кадрға болашақтағы және ағымдағы қажеттілікті айқындау
тәртібін;
– кәсіпорынды кадрлармен қамтамасыз ету көздерін білуі;
– еңбек нарығының жай-күйін;
– қызметкерлерді бағалау жүйесін және әдістерін;
– кадрлардың кәсіби-біліктілік құрылымын талдау әдістерін;
– кадрларға және олардың қозғалысына байланысты құжаттаманы ресімдеу,
жүргізу және сақтау тәртібін;
– кәсіпорынның қызметкерлері туралы деректер базасын қалыптастыру және
жүргізу тәртібін;
– табельдік есеп жүргізуді
ұйымдастыруды;
– кадрлар қозғалысының есебін жүргізу әдістерін, белгіленген есептілікті жасау
тәртібін;
– қазіргі заманғы ақпараттық технологияларды кадр қызметінің жұмысында
пайдалану мүмкіндігін;
– қызметкерлермен жұмыс істеудің алдыңғы қатардағы отандық және шетелдік
тәжірибесін;
– еңбек социологиясының, психологиясының және ұйымдастыру негіздерін;
– профессиография негіздерін;
– кәсіби бағыт
беру жұмыстарының негіздерін;
– экономика, өндірісті ұйымдастыру және басқару негіздерін;
– есептеу техникасы, коммуникациялар және байланыс құралдарын;
– еңбек қорғау ережелерін және нормаларын білуі тиіс.
2. ЛАУАЗЫМДЫҚ МІНДЕТТЕРІ
2.1. Кәсіпорын қызметінің сыртқы және ішкі жағдайларымен өзгеріп отыратын
оның мақсатына, стратегиясына және саласына сәйкес талап етілетін кәсіптің,
мамандықтың және біліктіліктің жұмысшы және қызметші кадрлармен кәсіпорынды
жиынтықтау, кадрлардың сандық және сапалық құрамы, олардың дамуы және қозғалысы
туралы деректер базасын қалыптастыру және жүргізу бойынша жұмысты басқарады.
2.2. Болжамдарды әзірлеуді, кадрларға ағымдағы және перспективадағы
қажеттілікті және оны еңбек нарығын зерттеу негізінде қанағаттандыру көздерін
айқындауды, оқу орындарымен және жұмыспен қамту қызметтерімен тікелей
байланыстарды, ұқсас саладағы кәсіпорындармен байланысты, кәсіпорын ішінде
қызметкерлерді бос жұмыс орындары туралы хабардар етуді, бұқаралық ақпарат
құралдарына қызметкерлер жалдау туралы хабарландырулар жариялау үшін пайдалануды
ұйымдастырады.
2.3. Кәсіпорынның кадр саясатын және кадр стратегиясын әзірлеуге қатысады.
2.4. Кадрларды олардың біліктілігін, жеке және іскерлік сапасын бағалау негізінде
таңдау, іріктеу және орналастыру жөніндегі жұмысты жүзеге асырады, кәсіпорынның
бөлімшелерінде қызметкерлерді дұрыс пайдалануды бақылайды.
2.5. Жас мамандарды және жас жұмысшыларды оқу орнында алған кәсібіне және
мамандығына сәйкес қабылдауды, орналастыруды және орналастырып қоюды
қамтамасыз
етеді, бөлімшелер басшыларымен бірлесіп олардың тағылымдамадан өтуін және
өндірістік қызметке бейімдеу бойынша жұмысты ұйымдастырады.
2.6. Іскерлік мансапты жоспарлау, кандидаттарды жеке жоспарлары бойынша
ұсынуға даярлау, басшылар мен мамандардың ротациялық қозғалысы, арнайы курстарда
оқыту, тиісті лауазымдарда тағылымдамадан өту сияқты ұйымдастыру нысандары
негізінде ұсыну үшін резерв құру бойынша жоспарлы жұмысты жүзеге асырады.
2.7. Кәсіпорын қызметкерлерін аттестациядан өткізуді, оның әдістемелік және
ақпараттық қамтамасыз етілуін ұйымдастырады, аттестацияның нәтижесін талдауға,
аттестациялық комиссияның шешімдерін жүзеге асыру жөніндегі іс-шараларды әзірлеуге
қатысады, аттестациядан қайта өтетін мамандар тобын айқындайды.
2.8. Қызметкерлерді және олардың қызмет нәтижелерін, қызметкерлердің
қызметтік-кәсіби жоғарылауын кешенді бағалау жүйелерін әзірлеуге, аттестация өткізуді
жетілдіру жөніндегі ұсыныстар дайындауға қатысады.
2.9. Еңбек заңнамасына, ережелерге, нұсқаулықтарға және кәсіпорын басшысының
бұйрықтарына сәйкес қызметкерлерді қабылдауды, ауыстыруды және жұмыстан босатуды
уақтылы ресімдеуді, жеке құрамның есебін жүргізуді, қызметкерлердің қазіргі және өткен
еңбек жолдары туралы анықтамалар беруді, еңбек кітапшаларын сақтау мен толтыруды
және кадрлар жөніндегі белгіленген құжаттамаларды жүргізуді, сондай-ақ қызметкерлерді
ынталандыруға және марапаттауға ұсынуға арналған материалдарды дайындауды
ұйымдастырады.
2.10. Зейнетақыны сақтандыру жөніндегі құжаттарды, сондай-ақ кәсіпорынның
қызметкерлеріне және олардың отбасыларына зейнетақы тағайындау үшін қажетті
құжаттарды дайындауды, сондай-ақ оларды әлеуметтік қамсыздандыру органдарына
ұсынуды қамтамасыз етеді.
2.11. Кадр жұмысының ғылыми-әдістемелік қамтамасыз етілуін, оның
материалдық-техникалық
және
ақпарат
базасын
жаңарту,
«АСУ-кадры»
