Өндіріс технологиясы мен көлік техникасын жөндеу негіздері

жүктеу 1,9 Mb.

бет	17/18
Дата	17.11.2017
өлшемі	1,9 Mb.
	#1147
түрі	Нұсқаулар

1 ... 10 11 12 13 14 15 16 17 18

Есептің мазмұны

1) Бұрандамаларды тартып қысу уақытын және моменттерін өлшеу және жүктеуші күштердің есептік мәндері нәтижелерінің кестесі.

2) Қондырма керілісін және подшипникті білікке баспалау күшін есептеу.

3) Подшипникті білікке баспалау кезінде қолданылатын жабдықтар сипаттамасы.

Бақылау сұрақтары

1) Топтық бұрандалы қосылыстың құрастыру сапасын және сенімділігін қамтамасыз ететін шарттар.

2) Керіліспен қосылу сенімділігін және құрастыру сапасын қамтамасыз ететін шарттар.

3) Бұрандалар көмегімен қосылатын беріліс қорабының тетіктері.

4) Керіліспен қосылатын беріліс қорабының тетіктері.

5) Керіліс және бұранда көмегімен тетіктерді құрастыру кезіндегі жұмыстарды механикаландыру құралдары.

3.5 Зертханалық жұмыс №5. Іштен жанатын қозғағыштар клапанының ершігін қалпына келтіру.
Жұмыс мақсаты – Слесарлық жөндеу операциясының әдісін меңгеру, қолмен атқарылатын және механикаландырылған аспаптардың көмегімен қозғағыш клапанының ершігін жөндеу, жөндеу сапасын бақылау құралдары бойынша тәжірибелік дағды алу.
Жалпы мәліметтер

Жұмыс істеу үрдісінде клапан ершіктері жұмыс қоспасының, жанар-жағармайдың, жоғары температураның, клапанды ершікке отырғызған кезде соққылар мен үйкеліс әсеріне ұшырайды. Бұл сызықіз, қаяқ, диаметрінің ұлғаюы және пішінінің өзгеруі түрінде байқалатын тозулар мен тотығу зақымдануларының пайда болуына әкеп соғады.

Ершіктің жұмыс қиықжиегінің мүмкіндік шектегі тозуы, бақылау мөлшерлегіштің төмендеуі, сондай-ақ қаяулар, сызықіздер, күйік шөгінділері және бағыттауыш төлкедегі тесікке қатысты жұмыс қиықжиегінің өстес еместігі слесарлық-механикалық өңдеумен жойылады. Ол үшін жұмыс қиықжиегін үңгіштейді немесе ажарлайды, содан кейін ысқылайды.

Ұңғылауды клапанның бағыттауыш төлкесінің тесігін өңдеу үшін қолданады. Ұңғылаудан кейінгі беттің кедір-бұдырлығы R

=1,25…0,63мкм, өлшемнің және пішіннің дәлдігі IT5-IT7.

Үңгіштеуді тістері ВК-6 қатты қорытпадан жасалған конусты үңгішпен орындайды. Өңделген беттің кедір-бұдырлығы R

=2,5…0,63мкм.

Клапан ершігінің қиықжиектерін үңгіштеуді (ажарлауды) келесі тізбекпен орындайды: таза, тегіс бетті алғанға дейін жұмыс қиықжиегін; жұмыс қиықжиегінің диаметрін (үлкен конустың диаметрі) сақтай отырып, төменгі қосалқы қиықжиекті (75

); жұмыс қиықжиегінің қажетті енін алғанға дейін жоғарғы қосалғы қиықжиекті (15

).

Ажарлауды пневматикалық немесе электр бәрбі көмегімен, түйіршіктілігі 16...20 арлығындағы конусты шарықтаспен іске асырады. Өңделген беттің кедір-бұдырлығы R

=1,25…0,08 мкм.

Ысқылауды бір, екі, ал кейбір жағдайларда үш ауысымда орындайды. Сонымен бірге диаметрге 0,02...0,005 мм әдіп алынады. Ысқылау еркін қажақты түйіршіктермен іске асады. Олар байланыстыратын сұйықтықпен (минералды май, дизель майы және жанар-жағармайы) ысқыш бетіне жағылады. Қолмен ысқылау кезіндегі жылдамдық 2,6 м/мин, механикалық ысқылау кезінде – 10...30 м/мин.

Зертханалық жұмысқа дайындалуға арналған тапсырмалар

1) Тетіктердің тотығудан болатын зақымдануларын оқып білу керек [1, 135...141б.].

2) Қозғағыш клапанының ершігін қалпына келтірудің технологиялық үрдісін оқып білу керек [4, 283б.; 5, 108...114б.].
Зертханалық жұмысты орындау тәртібі

1) Жабдықтар және бастапқы материалдар: слесарлық шеберүстел, ЦБК-2447 ажарлау машинасы; цилиндр бірікпесі бастиегін орнатуға арналған құрал; құралбілік және пневматикалық бәрбімен ажарлағыш шарықтастар 15

,30

,75

; тістері ВК-6 қатты қорытпадан жасалған 15

,30

,75

үңгіштер жинағы; жұмыс қиықжиегінің центрлестігін тексеруге арналған аспап; конусты мөлшерлегіштер 30

; штангенциркуль ШЦ-11-250-0,05 (ГОСТ 166-80); төрт есе ұлғайтатын ұлғайтқыш; клапандарды ысқылауға арналған қолмен атқарылатын және пневматикалық бәрбілер; қосалқы серіппе; ысқылауға арналған майұнтақ.

2) Клапан ершігі (цилиндр бірікпесі бастиегі шеберүстелде орнатылған) ақауының түрі және сипаты қарау арқылы анықталады.

3) Қиықжиекті өңдеу әдісі таңдалады: үңгіштеу немесе ажарлау.

4) Технологиялық карта-есепке (7-кесте) өңдеу тізбектілігі және қолданылатын аспап жазылады.

7-кесте

Ауысым №	Ауысым мазмұны	Технологиялық режім	Құрал	Аспап

5) Клапандарды ысқылау қолмен атқарылатын немесе механикаландырылған аспаппен іске асырылады. Алдан-ала астына серіппе орнатып, клапанды ершікке қондырады да, оң және сол жаққа айналдырады. Айналдыру бағытын ауыстырған сайын клапанды серіппе көмегімен көтереді. Клапанды орнатқан кезде оның өзектемірін майлайды, ал клапанның жұмыс қиықжиегіне ысқылау майұнтағын жағады.

6) Операцияны бақылауды іске асыру керек: ысқыланатын беттер технологиялық ластанулардан тазаланады, беттер тексеріледі (қиықжиек беті тегіс, дақтар мен сызықіздерсіз болу керек), «ершік-клапан» түйіндесуінің жақсы қымталғандығы керосинмен тексеріледі.

жүктеу 1,9 Mb.

Достарыңызбен бөлісу:

1 ... 10 11 12 13 14 15 16 17 18