28
дәлелдемелер ретінде мұғалімнің қағазға жазғандары мен тексеру беттері
жеткілікті.
Шолуға арналған материалдар отырыс алдында КБКМ координаторына
тапсырылады. КБКМ координаторы бұл ақпаратты отырыстың күн тәртібін
жасауда қолданады. Отырыста оқушы жетістігін көрсететін үлгілердің
сапасын жақсарту мақсатымен координатор қосымша материалдарды немесе
өзгерістер енгізуді қажет етуі мүмкін. Сонымен бірге координатор ішкі шолу
бойынша хаттама үлгісін толтырады. Үлгінің соңғы екі бағанасы отырыс
барысында толтырылады. Хаттама үлгісі 3-қосымшада көрсетілген.
4.4 ҚБ бойынша ішкі шолу жасау
Мақсаттары: мектептегі барлық мұғалімдердің сәйкес жетістік
критерийлерін қолдануын қаматамасыз ету және бекіту, оқу мақсатына
жетудегі қабылданған шешімдерді ҚБ бойынша архивтегі материалдарға
сүйеніп, оқушының орындаған жұмыс үлгілерінде талқылау және
шығарылған шешімдер бойынша мұғалімдерге кері байланыс беру.
Егер мектепте белгілі пәнді жалғыз мұғалім жүргізсе, ол ҚБ бойынша
ішкі шолуды өткізу үшін басқа мұғаліммен кездеседі. Бұл мұғалім
әдістемелік бірлестіктің жетекшісі немесе белгілі сыныпта берілетін пән
мазмұны мен ерекшеліктерін жақсы білетін мұғалім болуы мүмкін. Мұғалім
өз шешімдерін ҚБ архивіндегі бір оқу мақсаттарына сәйкес келетін
үлгілермен салыстырып, өз шешімдерін екінші мұғаліммен бірге
талқылайды. Оқу мақсаттарына байланысты ішкі шолу бойынша отырысты
бір немесе бірнеше рет ұйымдастыруға болады және оны тоқсан аяғына
қалдырмай, дәлме-дәл уақытында ұйымдастыру қажет.
Ішкі шолу бойынша отырыста келесі іс-шаралар өткізіледі:
мұғалімдер іріктеліп алынған оқу мақсаттарын, осы оқу
мақсаттарына сәйкес үлгілерді қарастырады.
әріптестерімен бірге жұмыс барысында әр сыныптан алынған оқу
мақсаттары үлгілері бойынша шешімдерді талқылайды. Кейбір жұмыстар
бірнеше оқу мақсаттарының дәлелдемесі ретінде қолданылады.
мұғалімдер алдымен бір іріктелініп алынған оқу мақсатына
тоқталып, оқу мақсатына «жетті» деген шешімге сай жұмыстардың
үлгілеріне шолу жасайды. Одан кейін оқу мақсатына «талпынады» деген
шешімге сай жұмыстарды қарастыруда жоғарғыда айтылған үдеріс
қайталанады. Ең соңында, «жетті» немесе «талпынады» шешімдерінің
шегінде тұрған жұмыстар талқыланып, олар бойынша қабылданған
шешімдерге өзгертулер енгізіледі.
қабылданған шешімдер бойынша орта келісімге келу негізгі мақсат
болып табылады. Алдыңғы жылдарда шолу жасалған архив материалдары
шешімді қабылдау үшін қолданылады. Келісімге келмеген жағдайда КБКМ
координаторы соңғы шешім қабылдайды және оған негіздеме береді. Бұл
негіздеме жазбаша тіркеліп, келесі жылдарға дейін сақталады
.
29
КБКМ координаторы қарастырылған тапсырмалар бойынша барлық
тапсырмалар үлгісін жинайды. Оларды сканерден өткізіп, мектептік архивте
сақтайды. Егер орталық архивке сақтауға лайықты жұмыс үлгілері болса,
КБКМ координаторы олардың ПӨО-ндағы орталық архивке жіберілуін
ұйымдастырады.
Осыдан кейін тоқсандағы ҚБ-қа байланысты қабылданған
шешімдерге кері байланыс беріледі. Мұғалім ҚБ бойынша келесі шешім
қабылдауында берілген кері байланысты қолдануына жауапты, келесі
отырыстарда оны қалай қолданғаны туралы сұралуы мүмкін.
Әрбір ҚБ бойынша ішкі шолу отырысының соңында хаттама үлгісі
толтырылып, барлық қатысушылардың қолы қойылады.
4.5 ҚБ бойынша сыртқы шолу жасау
Мақсаты: Барлық мектеп мұғалімдерінің жетістік критерийлерін
сәйкес қолдануын қамтамасыз ету.
ПӨО ҚБ бойынша сыртқы шолуды ҚБ бойынша барлық рәсімдердің
бірдей сақталуына сенімді болу үшін, мектеп директорларының критериалды
бағалау бойынша орынбасарларының қатысуымен өткізеді. Сонымен қатар,
олар пәндер бойынша мектептегі жоспарлау мен стандарттау отырыстарда
дәлелдеме ретінде қарастырылған жұмыс үлгілерін де сұрауы мүмкін. ПӨО
бұл дәлелдемелерге кері байланыс береді, қажетінше өзгерістер енгізуін
сұрайды. Мектеп мұғалімдері өзгерістер енгізген жағдайда, оның
дәлелдемелерін де бірге жіберуі қажет.
Жылына бір рет ПӨО әр сынып пен пәндер бойынша орталық архивке
жұмыстарды өткізеді. Әр мектеп тарапынан ұсынылған жаңа мысалдар мен
үлгілер қарастырылып, орталық архивке енгізіледі. КБКМ координаторы
отырыстарда қолданылатын материалдар ретінде орталық мұрағатта ең соңғы
өзгерістен өткен нұсқалардың болуын қамтамасыз етуге жауапты.
5
Ішкі жиынтық бағалау
5.1
Мақсаты
Ішкі жиынтық бағалау (әрі қарай - ІЖБ) тоқсан аяғында жүргізілетін,
оқу бағдарламасына сәйкес оқушылардың білімі мен дағдылары
дәлелдемелерін жинақтау үшін және оқу бағдарламасының мазмұнынын
қаншалықты түсінгенін көрсететін бағалау түрі. Бағалау тоқсандағы оқу
мақсаттарында көрсетілген дағдылар мен білімді тексереді. ІЖБ
тапсырмалары мен сұрақтары балл қою кестесінде көрсетілген бағалау
критерийлеріне сәйкес бағаланады.
Бағалаудың нәтижесін мұғалім мен оқушылар оқудағы ілгерілеуді
анықтау үшін пайдалануына болады. ІЖБ нәтижесін оқушылардың оқу
