209
өткізілуі де жаңашылдықты талап етеді. Ортаңғы және ересектер тобы
балаларының
жеке педагогикалық психологиялық жас ерекшеліктерін
ескеріп,
ойлау қабілетін арттыру дағдыларын тәрбиелеуге мүмкіндік беру
мақсатында бөбекжайымызда өзіміз шығарған «Біз кішкентай аспазшылар»,
«Ойнайық та, ойлайық», «Логиком», «Мультишығармашыл балдырғандар»,
«Бәрін білгім келеді» жұмыстары ұйымдастырылып, өткізіледі.
Мектепке дейінгі ұйымдардағы оқыту мен тәрбиелеуді жаңа бағытта,
жоспарлы, жүйелі, біртіндеп ұйымдастыру бөбекжайдың дамуына мүмкіндік
береді.
Практикалық нәтижесі
Педагогикалық тәжірибе педагогтың шеберлігінің жоғары деңгейі, тұрақты
педагогикалық нәтиже беретін оқыту және тәрбие тәжірибесі. Педагогтың
тәжірибесінде жаңалық болмауы мүмкін, бірақ ол ғылымда белгілі
принциптерді, технологияларды, әдістерді табысты түрде қолданып, басқа
педагогтарға
үлгі
болып,
озат
тәжірибесі
таратылады.
Педагогикалық тәжірибемен бөлісу үшін шығармашылық ізденіс, жаңалығы
бар тәжірибе, құнды мағлұмат ұсыну керек. Сонымен қатар, тәжірибе
сұранысқа ие, жақсы нәтиже беретін тақырыпта, үнемі дамытып және
жетілдіріп отырса, іске асыру барысында қолданылатын құрал-жабдықтармен
қамтылса ғана жемісті болмақ.
Педагогикалық қызмет барысында өз тәжірибемнің практикалық нәтижесі
төмендегідей мазмұнда.
Мектеп жасына дейінгі балалардың өміріне ақпараттық-коммуникативтік
технологияларды енгізудің басты мақсаты – балалардың тілдерін, сөздік
қорларын дамыту, бес білім беру саласы бойынша оқу іс-қызметтеріне
қызығушылықтары арттыру, шығармашылық, іздемпаздық, танымдық
белсенділіктері мен қабілеттерін, интеллектуалдық, логикалық ой-өрістері
жетілдіру екені баршамызға белгілі.
Мен өз жұмысымда оқу жоспарында берілген инварианттық бөлімдегі оқу
қызметтерін ActivInspire бағдарламасында дайындап, флипчарт түрінде
өткіземін. Бұл балалардың білуге деген құштарлығын туғызады, мотивациясын
күшейтеді. Ал педагог үшін балаға сапалы, қызықты мәлімет беруге, уақытты
үнемдеуге және мағлұматты көрнекі түрде баяндауға, түсіндіруге мүмкіндік
береді.
Осындай жұмысымның нәтижесінде 2014 жылдың 16-17 қазан күндері
Астана қаласында «Мектепке дейінгі балалық шақ» Республикалық
орталығының ұйымдастыруымен «Интерактив Қазақстан» студиясының
базасында, мектепке дейінгі ұйымдардың педагогикалық қызметкерлерінің
арасында «Ең үздік әзірленген флипчарт-сабақтар» республикалық байқауында
І-ші орынды иелендім.
2015 жылдың 5 маусымында №2 хаттамасымен бекітілген «Мектепке
дейінгі білім беру ұйымдарында флипчарт-сабақтарды қолдану» флипчарттар
жинағы облыс көлеміндегі педагогтарға таралымға ұсынылды.
210
Сонымен қатар, 2015 жылдың 17 шілдесінде «Мектепке дейінгі балалық
шақ» республикалық орталығында «Мектепке дейінгі ұйымдардың білім беру
үдерісінде флипчарттарды пайдалану» оn-line тәртібіндегі республикалық
оқыту курсында өз тәжірибеммен бөлістім.
Сондай-ақ ересектер тобында қызмет ететіндіктен, білім беру
бағдарламаларының вариативті бөлімінде «Бәрін білгім келеді» жұмысын
балалардың жас ерекшеліктерін, мүмкіндіктері мен қабілеттеріне сай
құрастырып, жүргізудемін.
Дүниеде балалар түсіне бермейтін жайттар көп-ақ. Өмірді жете танығысы,
бәрін білгісі келетін олар: «Ол кім?», «Бұл не?», «Неліктен?», «Қайда?»,
«Қашан?» тәрізді сұрақтарға жауап іздеп, тыным таппайды. Олардың көп
нәрсені білуге деген ынта-жігері шексіз. Осындай балалардың деген
құштарлығын қанағаттандыру үшін «Жануарлар», «Өсімдіктер», «Құстар»,
«Табиғат ғажайыптары», «Тағамдар», «Көліктер», «Ертегілер», «Киімдер»,
«Ойыншықтар» тақырыбындағы 9 танымдық бөлімді алдым.
Беріліп отырған тақырыптар Қазақстан Республикасы мектепке дейінгі
тәрбие мен оқытудың мемлекеттік жалпыға міндетті стандартында берілген
тақырыпқа қосымша ретінде алынды. Балалар әлемдегі ең үлкен жануар,
немесе кішкентай құс, ұялшақ гүл үңгірлер мен таулар, ағзаға зиянды тағамдар,
көліктер, киімдер, ойыншықтардың шығу тарихы, қазақ және әлем
халықтарының ертегілері, т.б өздеріне қызықты мәліметтерді игереді.
Оқыту барысында балалар әр ай сайын 1 үлкен бөліммен қызықты
деректер, видеолар, презентациялар, саяхаттар жасау, шығармашылық
шеберханаларда еңбек ету, логикалық тапсырмаларды орындау арқылы
танысады. Әр 3 ай сайын балалардың игеріп жатырған білімдерін бекіту
мақсатында «Сен білесің бе?», «Білгір достар», «Бәрін білгім келеді!»
тақырыбындағы ойын-сауық, сайыстар ұйымдастырылып тұрады. Аяқ киімдер
дүкеніне, ойыншықтар дүкеніне жоспарлы саяхаттар жасалып, балалардың өз
қалаларындағы ғимараттарды танып біледі.
Баланың бәрін біліп, көргісі келетін құштарлығына тосқауыл қоймай,
олардың қойған сұрақтарына жауап беру мақсатында құрылған «Бәрін білгім
келеді» үйірме жұмыстарынан әдістемелік құрал құрастырылып, 2016 жылы 4
наурызында №1 хаттамамен бекітіліп, облыс көлеміндегі педагогтарға
таралымға ұсынылды. Бұл әдістемелік құрал қалалық «Үздік жобалық жұмыс»
байқауына қатысып, жүлделі ІІ орынға ие болды.
Жаңа заман баласын қалыптастырып, дамыту үшін, тұлғаның ішкі дүниесі
мен оның қыр-сырын анықтап, мүмкіншіліктері мен қабілетінің дамуына
жағдай туғызу қажет. Осы мақсатта мектепке дейінгі ұйым педагогтары
Қазақстан Республикасының мектепке дейінгі тәрбие мен оқытудың
мемлекеттік жалпыға міндетті стандартын басшылыққа алып, балалармен
қосымша жұмыстар ұйымдастырып, жүргізуі керек.
Әр мектепке дейінгі ұйымда балалармен үдемелі инновациялық
технологиялар мен жаңа бағдарламалар негізінде жұмыс жасауға қабілетті,
211
инновациялық технологияларды меңгерген, жаңашыл педагогтар өз жұмысын
жүйелі жүргізсе бәсекеге қабілетті жас ұрпақты қалыптастыруға болады.
Қорыта келгенде, педагогикалық ізденіс, тәжірибе, оқыту мен
тәрбиелеудегі жаңа бағыт – сауатты да мәдениетті ұрпақты қалыптастыруға
кепілдік.
Оқыту барысында заманауи технологиялар, инновациялық жұмыстарды,
мейлінше жаңа әдістерді қолдану педагогтың кәсіби дамуына үлкен септігін
тигізері анық.
Достарыңызбен бөлісу: 
