Үлгерімі нашар оқушылармен жұмыс жүргізу

Үлгерімі нашар оқушылармен жұмыс жүргізу үшін алдымен олар арнайы зерттеледі. Мысалы, біреу сезімтал, біреу самарқау, айтқанды қиын қабылдайды, ал енді біреуі жалқау болып келеді. Өйткені олар әр жанұядан, әр түрлі дайындықпен келеді. Соның нәтижесінде әр сыныпта сабаққа ынтасы төмен, үлгермейтін оқушыларда кездесіп жатады. Мұндай оқушьшарды толық үлгерімге жеткізу мұғалімнің қиын да, абройлы міндеті. Оқушылармен жеке жұмыс жасау оқытудың неғұрлым күрделі түрі. Ол мүғалімнен көп ойлауды, ізденуді, сабаққа шығармашылықпен қарауды талап етеді. Баланың пәнге зейіндік қабілетін, қызығушылығын арттыру мақсатында түрлі әдіс тәсілдерді пайдалану үлгермеушіліктің алдын алудың басты жолы. Барлық жеке жұмыстарды «оңайдан қиыңға; жеңілдең күрделіге» принципі бойынша қайталауға көбірек көңіл бөлу. Өзіндік ойлау қабілеттері нашар дамыған, алаңғасар, баяу жұмыс істейтін-оқушыларға тікелей сұрақтар қоюдан,емес, сабақ барысында жеке таратпа тапсырмалармен жұмыстар жүргізе отырып, олардың олқылықтарын жоюға бағыттау қажет. Үлгерімі нашар оқушыларға жеке жұмыстардың мақсаты ең алдымен білімді саналы меңгеруін, ойлау қабілетін дамыту. Оқуға алғыр балалардың жолдастық көмегін ұйымдастырып отыру. Ол үшін жолдастарының әкелген дұрыс жауаптарын жиі қайталап, өз қателерін өздері түзетуге итермелей отырып, үлгерімі нашар оқушыларды өз-өздеріне деген сенімділіктерін арттыру керек. Сенімділік психологиялық ұстанымдарын дамыту арқылы жүзеге асырылады. Сенімділік аркылы батылдыққа үйрете отырып, жиі - жиі сұрақтар қойдыру арқылы пәнге деген білімдерін арттыру.