Кіріспе Пәннің мақсаты мен курстың мәселелері. Стандарттау мен сертификаттаудың заңнамалық базасы Курстың мақсаты, пәні және тапсырмалары «Стандарттау және сертификаттау»

№ 1 дәріс. Кіріспе Пәннің мақсаты мен курстың мәселелері. Стандарттау мен сертификаттаудың заңнамалық базасы

«Стандарттау және сертификаттау» пәні базалық пәндер курсына жатады және «5В073200» – Стандарттау және сертификаттау» мамандығының білім алушыларын даярлаудағы негізгі арнайы курстардың бірі болып табылады.

«Стандарттау және сертификаттау» пәнін меңгеру болашақ мамандарға кәсіби іс-әрекетте әртүрлі мәселелерді шешуге мүмкіндік береді. Болашақ мамандардың кәсіби қызметінің функциялары:

• 
  стандарттарға өзгерістер еңгізу, нормативті және нормативті-техникалық құжаттардың өндеулері;
  
• 
  стандарт талаптарына сәйкес және де басқа нормативтік құжаттарға сәйкес инспекциялық және мемлекеттік бақылау;
  
• 
  өндіріс жағдайларының талдау.
  

«Стандарттау және сертификаттау» пәнін зерделеу нәтижесінде студенттің:

- ҚР техникалық реттеу саласындағы заңдарын түсіне білуі керек; салалар бойынша стандарттарда, өнімдер мен қызметтер сертификаттарын жүргізу процедураларында құзыретті болу;

- стандарттаудың құқықтық және заңнамалық саласында, стандарттау бойынша қызметті ұйымдастыру саласында, нормативтік құжаттаманы әзірлеу және оларды қолдану мәселерінде құзыретті болуы тиіс;

- стандарттау, және сертификаттау саласындағы отандық және шетелдік тәжірибені зерттеп және жүйелей білу;

- ҚР мемлекеттік сертификаттау жүйесінің негізгі ережелерінде, сәйкестікті растау сұлбалары мен жүйелерінде, сәйкестікті жүзеге асыру шарттарында, сәйкестікті растау ережелері мен тәртібінде құзыретті болуы тиіс;

- терминологияны стандарттау, сертификаттау саласында қолдана білу;

- ғылыми, ғылыми-техникалық, нормативтік құжаттамамен тәжірибелік жұмыстар жасай білуі керек.

Пәннің тапсырмалары: өнімге (қызметке), оның технологиялық жасалуына, өндірісіне, қолданысына және жоғары сапа мен қауіпсіздігіне бағытталған нормалар, ережелер мен талаптарын зерттеу.