Жазғы демалыс кезінде студенттік құрылыс және «Жасыл ел» жастар еңбек жасақтарында еңбек еткен студенттік жасақтар волейбол және шағын футбол ойындары бойынша 3 қыркүйек күні өзара жолдастық кездесулерін ұйымдастырды

Дөңгелек үстел барысында қатысушы студент жастар мемлекеттің және ел президенті Н.Ә.Назарбаевтың тарапынан кәсіби маман болуға жан-жақты жасалып жатқан жағдайларды сезінетіндіктері айтылды. Соның ішінде студенттердің шәкіртақысы, оқытушылардың жалақысының өсуі, оқу орындарының халықаралық стандарттарға сай болуы жастар алдына қойылып отырған үлкен міндет деп таныды.

Дөңгелек үстелдің модераторы – М.И. Исатаев өзінің алғы сөзінде жолдаудағы басым бағыттарды айтып, жоғары оқу орнындарына қатысты жоғары оқу орындарының инновациялық қыз­мет­ке көшу тетігін қалыптастыру, білім берудің сапасын арттыру және қолжетімділігін кеңейту үшін  білім  беруге қолдау көрсетудің жаңа қаржы­лық-экономикалық құралдарын енгізу, техникалық және жоғары білім бе­рудің деңгейлері үшін бүгінде Тұрғын үй құрылыс жинақ банкі ипотекалық құрылыста жүзеге асырып отырғанға ұқсас жинақтау жүйесін әзірлеу тұрғысында Елбасы тарапынан Үкіметке берілген тапсырмаларға нақты тоқталып өтті.

Студенттік ректордың м.а. Е. Асылханова, жаратылыстану бөлімінің студенттік деканы Қ. Еслямов, экономика бөлімінің студенттік деканы А. Мендіғалиев, қазақ тілі мен әдебиеті бөлімінің студенттік деканы А. Бөлекбаева Жолдауда айтылған мемлекеттен пай­ыз­дық бонустар ала отырып бала­ларын оқытуға қаржы жинаудың жаңа мүмкіндіктері, бизнес-қауымдастықтар мен жұ­мыс берушілер өкілдерін қатыстыра  оты­рып  кәсіптік-техникалық  кадр­лар дайын­дау жөнінде ұлттық кеңес құру, жоғары оқу орындарының халықаралық аккредитациядан өтуі туралы өз ойларын жеткізді.