Ісіктер классификациясы Ісіктер өздерінің пайда болатын тканьдарының құрылысына қарай мына топтарға бөлінеді: Эпителиальды ісіктер

Басқа да аурулардың диагностикасындағы сияқты, қатерлі ісіктердің диагностикасында анамнезіне, науқастың шағымдарына, көзбен көрген ағзадағы өзгерістерге және қосымша тексеру тәсілдеріне үлкен мән беріледі (цитологиялық диагностика) – ісік клеткаларын табу мақсатында ісіктен пунктат немесе жұғынды алу, ісіктің құрылымының анықтау мақсатымен гистологиялық тексеру үшін кішкентай бір бөлімін алу (биопсия), рентгенография, томография, радиоизотоптық диагностика дұрыс диагноз қоюға көмектеседі.

Емдеу жағынан ісіктің әлі метастаздар бермей тұрған уақытында, оны ертерек анықтау өте бағалы болып есептеледі. Қатерлі ісіктерді ертерек анықтау үшін медицина қызметкерлері онкологиялық сақтықты қолдана білуі тиіс (күмән болған жайдайда қатерлі ісіктің бар – жоғын тексеру қажет).

Жасы 40 тан асқан және әртүрлі созылмалы аурулары бар адамдар «артықша кауіп туғызушы» топқа яғни қауіпті ісіктердің пайда болуына бейімді топқа және олар жылына кемінде бір рет арнаулы тексеруден өтуі тиіс Халықты жүйелі түрде алдын ала қарау, тексеру (цитологиялық тексеру, флюорография, фиброгастроскопия, фиброэзофагоския, фибробронхоскопия және т.б) диагностикалық мүмкіншіліктерді айтарлықтай кеңітеді.

Қатерлі ісіктердің даму сатылары (стадиялары), қатерлі ісіктің диагнозын анықтауда аурудың қай сатыда екенін анықтау қажет. Сатысына қарай ем тағайындалады.

І сатысы – көлемі онша үлкен емес ісіктің пайда болуы, тереңде жатқан тканьдарға жайылмауы және мүшелердің лимфатикалық бездеріне метастаз бермеуімен сипатталады.

ІІ сатысы – ісік үлкейе бастайды, бірақ жарақаттанған мүшеден әлі шетке шықпаған. Мүшелердің лимфатикалық бездерінде бірлі – жарым метастаздар бар болуы мүмкін.

ІІІ сатысы – ісік жарақаттанған мүшеден жақын орналасқан мүшелерге шығып орналасқан мүшелерге жайылып өседі. Аймақтық лимфатикалық бездерде көптеген метастаздар бар.

IV сатысы – ісік айтарлықтай үлкейіп кетеді, оның іріп – шіруі және қашық мүшелерде де, метастаздар көптен пайда болады. Қатерлі ісіктің себебінен қатты жүдеу пайда болады.