Қатерлі ісіктің дамуына байланысты төрт кезеңге бөлінеді

1. 
   Ісік көлемі кішкентай, жанындағы тканьдарға және лимфа бездеріне метастаз бермейді.
   
2. 
   Оның лимфатикалық жолдар бойынша жақын жатқан лимфа бездеріне тарауы.
   
3. 
   Метастаздардың қан тамырларымен тарауы.
   
4. 
   Қатерлі ісіктің бүкіл ағзаға тарауы, алыс жатқан мүшелерге метастаз беруі.
   

Қазіргі уақытта ісіктердің пайда болуының негізгі теориясы көп себепті (полиэтиологиялық) теория деп аталады. Бұл теория бойынша тірі ағзаның әрбір клеткасында ісіктің пайда болуы үшін ерекше вирус болады, бірақта бұл вирус қабілетсіз жағдайда болады (анабиоз). Оның әрекетті, қабілетті жағдайға келуі үшін бірқатар сыртқы күштердің (факторлар) қосымша әсер етуі қажет (канцерегендер), олар өз кезегінде пайдаланылып отырған газдардың түтінінде, химиялық өндірісте және тағы басқаларда болатын химиялық заттар (бензпирендер, хош иісті аминдер т.б), физикалық факторлар (ультракүлгін, (әсірекүлгін) сәулелер, рентген және радиоактивтік сәулелер әсері салдарынан, иондаушы радиация, атомның элементтер бөлекшелері т.б., және биологиялық факторлар (әртүрлі паразиттер) болып бөлінеді. Вирус белсенділенеді және клетканың гендік структурасына, дара жағдайда ДНҚ ға және РНҚ ға әсер етіп, тұқымды өзгертеді, бұл тканьнің жаңа түрінің, яғни ісіктердің пайда болуына алып келеді. Бірақ, бұнда жоғарыда көрсетілген факторлардың болуы көбінесе ісіктердің пайда болуына жеткіліксіз болатындығын есте сақтау қажет. Ағзаның иммунобтологиялық қорғаушы күштерінің бәсеңдеуі ісіктің пайда болуына әсерін тигізеді.

Көбінесе рак процессі 40 жастан асқан адамдарда жиі болады. Қазіргі уақытта қатерлі ісіктермен ауырған адамдардың саны күннен күнге көбейіп барады деген пікір бар.