Оқушылардың физиологиялық дамуы ғылымының даму тарихы

Балалардың мүмкіндіктерін толықтай дамыту үшін баланың жеке бас қасиеттерін зерттеу 14-16 ғасырларда педагог-гуманистерінің еңбектерінде көрсетілді.

Н.М. Амбодик-Максимович 1787 жылы Адам жаратылысының тарихы және физиологиясы атты еңбегін жазды және оның оқыту мен тәрбиелеудің физиологиясының маңызды проблемалары алғаш қарастырылды. 1884 жылы Москва университетінде гигиена кафедрасы ашылды. Оны Ф.Ф. Эрисман (1842-1915) басқарды, ол экспериментке негізделген ғылым ретінде гигиенаның негізгі міндеттерін анықтады және балалардың денсаулығы қоршаған орта жағдайлары мен тұрмысты ұйымдастыруға тәуелді екендігін дәлелдеді. 1887 жылы Ф.Ф. Эрисманның Ой және дене еңбегінің кәсіптік гигиенасы деген еңбегі шықты.

1906 жылы училище дәрігері және Ресейдегі училищелер дәрігерлер қоғамының басшысы Д.Д. Бекарюков (1861-1934) Мектеп гигиенасының негізгі бастамалары атты еңбегін жарыққа шығарды. Балалар мен жасөспірімдердің физиологиясы мен гигиенасын дамытуда И.М. Сеченов пен И.П. Павловтың зерттеулерімен ашқан жаңалықтарының да маңызы зор.