Оқушылардың физиологиялық дамуы міндеттері мен әдістері

1. Педагог жұмысына қажетті балалар мен жасөспірімдердің анатомо-физиологиялық ерекшеліктері жайлы білім беру.

2. Балалар мен жасөспірімдер ағзасының дамуының негізгі биологиялық заңдылықтары туралы дұрыс диалектикалық түсінік қалыптастыру.

3. Балалар мен жасөспірімді оқыту мен тәрбиелеуде негізгі шартты рефлекторлы процестермен таныстыру.

4. Сезу, қабылдау, көңіл аудару (зейін), түйсік, ойлау сияқты күрделі психологиялық процестердің физиологиялық механизімен, сөйлеудің физиологиялық негізімен және эмоционалды реакциялармен таныстыру.

5. Болашақ ұстаздар мен тәрбиешілерде балалар мен жасөспірімдердің ағзасындағы морфофункционалдық ерекшеліктері туралы және оқу-тәрбие процесі кезіндегі жоғарға нерв жүйесінің қызметі туралы, педагогикалық процестер мен құбылыстар анализі туралы ілімді дамыту.

Оқушылардың физиологиялық дамуы эксперименталды ғылым. Оқушылардың физиологиялық дамуын зерттеудің ғылыми 3 әдісі бар: бақылау, табиғи және лабораториялық эксперимент.

1. Бақылау әдісі- әр ғылыми зерттеулерде кеңінен қолданылады. Бұдан физиологиялық құбылысты немесе процесті зерттеуші арнаулы жағдайларды таңдайды немесе қолдан жасайды және жағдайлар процестің немесе құбылыстың толық сипатын беуін қадағалайды.

2. Табиғи эксперимент әдісі- бақылау мен лабораториялық эксперименттің аралық формасы. Зерттеуші оның ағза тіршілігінің табиғи жағдайларында жүргізеді және оны өзінің зерттеуіне керекті мақсаттар мен міндеттерді таңдау арқылы жүргізеді. Мысалы, оқушылардың көргіштігіндегі ауытқуларды бақылау үшін сабақ басталғанға дейінгі және сабақтан кейінгі мерзімдегі олардың көру мүшелерінің қызметінің ерекшеліктерін анықтайды.

3. Лабораториялық эксперимент әдіс- табиғи эксперименттен арнаулы жасалған жағдайдағы ағзаның қандайда бір функциясын зерттеу арқылы жүргізетіндігімен ерекшеленеді.