Философия 12-срсп ашикбаев Темирлан

жүктеу 14,47 Kb.

Дата	06.01.2022
өлшемі	14,47 Kb.
	#36714

Философия 12

Философия 12-СРСП

Ашикбаев Темирлан

Техника – адамзатқа жат құбылыс емес. Көптеген зерттеулерде қарулық және техникалық қабілеттің дамуы оң үрдіс деп бағаланып отыр. Техниканың талдануына бетбұрған философтар, адамның ойлап табу мен қайта құру қабілеті ең әуелден бар деп атап өтті. Атап айтқанда, М.Хайдеггер бойынша, техника экзистенциалды жүйе Dasein болмысына қосылған: адамның затты жан-жақты ашу қабілеті, оны даярлық жағдайынан көмекші жағдайына ауыстыру. Сондықтан, М.Хайдеггер техниканы грек тілінен τέχνη аударғанда қолөнершінің қызметі деп қана емес, дағды, шеберлік және жалпы өнер ретінде қарастырады. Техникада ең бастысы әрекет істеу емес, ең әуелгі мәні жаңалық ашу. Х.Ортега-и-Гассет, болмыс – бұл жоба ретінде, сондықтан техниканы адам болмысының мүмкін болатын мәнмәтініне орналастырады. Техника табиғат әлемінің шекарасын еңсеру әдісі мен табиғаттың бөлінбес бірлігінен адамды босату рөлін атқарып бара жатыр . Бердяев бойынша, техника адамның рухани өміріне қосылып, техникалық және «табиғи органикалық» бірлестіктегі материалдан босап шығуышы адамның рухы осындай бастамадан өседі.

Бірақ жаңа заманда техниканың басқа мәні қалыптаса бастайды. М.Хайдеггер бойынша, қазіргі замандағы техниканың қайнар көзі жаңа заманның метафизикалық орнатуларында жатыр: субъективизм және үстемшілдік(өктемшілдік) идеясы . Х.Брункхорсттың ойынша, М.Хайдеггер жаңа заманды екі үрдістің тоғысуы ретінде қарастырады, «әлемнің картинаға, ал адамның субъектіге айналуы. Жақында адам ортағасырлық байланыстан босап шығып, нақты қарым-қатынастың түйіні бола бастайды.Адам өзін, барлық нақтылықты тудыратын, нақты репрезентант ретінде ұсынады». Философтар (М.Хайдеггер , Н.Бердяев, Ф.Юнгер және т.б.) техникадан қазіргі өркениеттің дағдарысы мен іргелі өзгерістердің көздерін көрді.

жүктеу 14,47 Kb.

Достарыңызбен бөлісу: