Фармацевтикалық қызметкерлердің еңбек және бас гигиенасы. Кәсіби қызмет саласында қауіпсіз еңбек жағдайларын қамтамассыз ету ерекшеліктері

Шу. Жұмыс орындарындағы өндірістік шудың көзі дәрілік препараттар дайындайтын технологиялық аппараттар болып табылады. Оларға компрессорларды, вакуум–сүзгілерді, барабанды кептіргіштерді, центрифугаларды, уатқыштар, дірілдік електерді, вакуумды насостарды және т.б. жатқызамыз. Бірқатар жағдайларда шудың деңгейі рұқсат етілген шамадан жоғары болады. Атап айтқанда, центрифуга жанындағы жұмыс орнында 5 дБ, вакуумды насос маңында 5-6 дБ, компрессор жанында 14-17дБ рұқсат етілген деңгейден жоғары болады. Неғұрлым зиянды учаскелер қатарына рұқсат етілген деңгейден 20 – 25 дБ артық жоғары жиіліктегі шу орын алатын машина жасау бөлімшесі жатады. Айта кететін бір жағдай, өндірістік шу рұқсат етілген шама деңгейінде әсер еткеннің өзінде химиялық заттардың жағымсыз әсерлерін күшейтуі мүмкін.