Экономикадағы өнеркәсіп саласының алатын орны

2018 жылы Қазақстан Респуликасының Индустриалдық – инновациялық дамуының 2020 – 2025 жылдарға арналған стратегиясын іске асыру жөніндег 2020 – 2025 жылдарға арналған іс – шаралар жоспары қабылданады.

Мақсаты

- Өңдеуші өнеркәсіптің халықаралық бәсекеге қабілеттілігін ынталандыру.

Міндеттері

1) индустриялық кәсіпкерліктің әлеуетін арттыру арқылы индустрияландыруды тереңдету;

2) Қазақстан Республикасының халықаралық экономикалық ұйымдарға мүшелік шеңберіндегі міндеттемелерін ескере отырып, сыртқы нарықтарда сұранысқа ие өңделген тауарлар өндірісінің көлемі мен номенклатурасын кеңейту;

3) базалық өндірістерді дамытуды ынталандыру және стратегиялық жобаларды іске асыру арқылы өнеркәсіптік қуаттарды ұлғайту;

4) технологиялық даму және цифрландыру.

Нысаналы индикаторлар

2025 жылы мына көрсеткіштерге қол жеткізу:

1) өңдеуші өнеркәсіптегі еңбек өнімділігінің 2016 жылғы деңгеймен салыстырғанда 1,7 есеге нақты өсуі;

2) өңдеуші өнеркәсіптің экспорт көлемінің 2016 жылғы деңгейге қарағанда 2,3 есеге өсуі;

3) өңдеуші өнеркәсіптің негізгі капиталына салынған инвестициялардың 2016 жылғы деңгейге қарағанда 2 есеге өсуі;

4) 2016 жылғы деңгейге қарағанда экономикалық белсенді халықтың 1000 адамына шаққанда өңдеуші өнеркәсіптің жұмыс істеп тұрған кәсіпорындар санының 1,6 есеге ұлғаюы;

5) Экономикалық күрделілік индексін (Гарвард) 55-орынға дейін көтеру.