Пәннің мақсаты мен міндеттері

«19 ғасырдағы қазақ әдебиеті» - ұлттық сөз өнері тарихының елеулі бір кезеңін қамтитын пән.Пәннің мазмұнында ауызша дәстүрлі жыраулық және ақындық поэзияның табиғи сабақтастығы, көркемдік, стильдік жалғастық мәселелері ғылыми-теориялық тұрғыда түсіндіріледі.

- 19 ғасыр әдебиеті шығармаларын өзіне дейінгң қазақ хандығы кезеңіндегі ақын-жыраулар поэзиясымен дәстүрлі жалғастығын (тақырып, идея, композиция, сюжет, стиль, тіл) тереңдете игеру;

- 19 ғасыр әдебиеті шығармаларының Шығыстың классикалық әдебиетімен сабақтастығын меңгерту;

- пән бойынша қамтылатын әдеби шығармалардағы романтизм, реализм көркемдік әдістерінің ұлттық және жалпыадамзаттық сарындар жүйесімен (зар заман, діни-исламдық ағартушылық ағымдар) тектестігін және өзгешеліктерін саралау;

- Абай, Ыбырай, Шоқан шығармашылығының ұлттық әдебиет деңгейін биіктетудегі маңызын тереңдете ұғындыру;

- кезең әдебиетінің Азия, Еуропа, Америка, Африка, Австралия құрлықтары әдебиеттері үлгілерімен әдеби байланыстарын , поэтикалық үндестіктерін, өзгешеліктерін тарихи-салыстырмалы (компаративизм) әдебиеттану заңдылықтары бойынша қарастыруға дағдыландыру;

- 19 ғасырдағы ақын-жыраулар шығармашылығындағы тарих, фольклортану, этнография, педагогика, психология, өнертану ғылымдарымен ортақ өзекті мәселелерін меңгеруге айқын бағдарлау.