Тарыдан ұн алу технологиясы

Тарыдан ұн алу технологиясы

Тары дақылы елімізде ұлттық тағамдарды жасауда кең қолданылады. Оның жаңа сұрыптары шығарылып егіс даласында, әсіресе суармалы шаруашылықтарда кеңінен қолға алынған. Бұл дақылдан негізінен жарма өнімдері және сөк өндіріледі. Сонымен қаьар тарыдан ұн өндіріліп, нанның және ұндық кондитер өнімдерінің түрлерін көбейтуге қолданылып келеді. Тары Сенегалда дәстүрлі тамақ өнімі болып табылады. Одан санглэ, кускус және т.б. ұлттық тағамдар дайындайды.

• Сенегалда тарыны жарма мен ұнға өңдеу үшін тарту жабдықтармен қамтылған екі жоғары өнімділікті зауыттары салынған. Зауыттар халық арасында кең қолданысқа ие өнімдердің барлық түрін өндіреді. Зауыттың дайындау бөлімінде дәнді қалдықтардан тазалауды, гидротермиялық өңдеу мен құрғақ өңдеуді жүргізеді. Тары дәніндегі қалдықтар мөлшері 15%-ға дейін жететіндіктен оны өңдейтін зауыттарда жоғары тиімділіктегі жабдықтарды қолданған жөн. Тазалаудан кейін дәнді ылғалдап 8-12 сағ аралығында бөктіреді. Бөктіру кезінде тарының ағаруы жүреді. Сонымен қатар дән өңдеуінің соңғы өнімі қышқылдау дәмге ие болады. Ылғалданған дәнді абразивті цилиндрі бар обойкалы машинада құрғақ өңдеп, сосын тартуға жібереді. Тарыны төрт жармалау, екі ұнтақтау және төрт қырғылау жүйелері бар сұлба бойынша білікті станоктарда тартады. Технологиялық үдерістің барлық жүйелерінде тісті біліктерді қолданады. Біліктер бетіндегі тістер жүйеге байланысты білік шеңбері ұзындығының 1 см-не есептегенде 5-тен 11-ге дейін, тістер бейімі 12-ден 18%-ға дейін ауытқиды.

Қарақұмық

• Қарақұмықтан жарма және ұн алады. Қарақұмық – құрамында маңызды микроэлементтері бар және клетчаткаға бай құнды тағам өнімі. Қарақұмықты тары, күріш, сұлымен шатастыруға болмайды. Бұл дән тұқымдасы емес, бұл рауғаштың алыс туысының дәнектері.
• Қарақұмық – бұл экологиялық таза, жер таңдамайтын өсімдік, оны химиялық қоспаларсыз өсіреді. Ол арамшөптерден қорықпайды, өздігімен оларды егіннен шығарып тастайды, сондықтан оны өсіруде пестицидтерді қолданбайды. Әлі күнге дейін қарақұмық гендік модифицирлеуге ұшырамаған. Қарақұмық – құнды тамақ өнімдері – қарақұмық жармасы мен қарақұмық ұнын өндіруге арналған шикізат. Қарақұмық ядросында көптеген микроэлементтер бар, олар: темір, фосфор, мыс. Бұл микроэлементтерді адам ағзасы жақсы сіңіреді, қандағы гемоглобинді қалыпқа келтіреді және физикалық шыдамдылықты арттырады. Сондай-ақ, ядро В1, В2, РР, Р дәрумендеріне бай. Рутиннің мөлшері ұмытшақтық пен гипертонияны емдеудің алдын алу үшін өте маңызды. Глютеннің болмауы, қарақұмық құрамында қиын сіңірілетін көмірсулардың болуы, олардың есебінен қарақұмық қандағы қант мөлшерін қатты көтермейтіндігі, сондай-ақ қарақұмық ақуыздары ауыстырылмайтын аминқышқылдар мөлшері бойынша теңгерімділіктің жоғары деңгейімен ерекшеленетіндігі және ағзаның жақсы сіңіруінің барлығы қарақұмық жармасы мен қарақұмық ұнын ерекше құнды диеталық өнім етеді.