Дәрістер тезистері 1 – дәріс

Физикадан алған білімдердің басқа пәндерде пайдаланылуы

жүктеу 99,17 Kb.

бет	11/38
Дата	10.02.2022
өлшемі	99,17 Kb.
	#37425

1 ... 7 8 9 10 11 12 13 14 ... 38

Дәріс тезистері

2. Физикадан алған білімдердің басқа пәндерде пайдаланылуы

9 сыныптың физика курсын өткенде мұғалімге оқытудың екінші сатысында алдағы уақытта пайдаланылатын пәнаралық байланыстардың ролі арта түсетінін ескеру қажет. Механиканы оқыту барысында оқушылардың игерген білімдерін математика курсында (10-11 сыныптар), атап айтқанда: лездік жылдамдықты туындыны өткенде; еркін тербелістерді дифференциал теңдеулерді шешуде; теңүдемелі қозғалыс кезіндегі орын ауыстыруды, айнымалы күштің жұмысын есептеп шығаруды интегралды өткенде пайдалануға болады.

Астрономияны оқып үйрену кезінде бүкіләлемдік тартылыс заңы, энергияның сақталу және түрлену заңы, импульстің сақталу заңы; реактивтік қозғалыс, ракетаның қозғалысы, ғарыш кеңістігін игерудегі жетістіктер туралы білімдер пайдаланылады. Дененің ауырлық күшінің әсерінен қозғалысы, серпімділік күші туралы білімдер «Информатика және есептеуіш техника негіздері» курсында есептер шығарғанда әрі қарай дамытылады және тереңдетіледі.

Механикалық қозғалыс, сақталу заңдары, өндірісті механикаландыру туралы білімдер қоғамтануда қорытындыланады.

Атом және атом ядросы туралы, ядролық энергияны пайдалану туралы білімдер биология сабағында палеонтологиядағы уақыт аралығын өлшеудің радиоактивтік тәсілін қарастырғанда; жаңа тарих сабағыңда XIX ғасырдың аяғы мен XX ғасырдың басында физика ғылымындағы қол жеткен табыстар туралы, А.Беккерель, Дж.Томсон, М.Склодовская-Кюри, П.Кюри, Э.Резерфорд, Н.Бор сияқты ғалымдардың еңбектері туралы материалды өткен кезде, сондай-ақ тарих сабағында атом энергиясын бейбіт мақсатта қолдану, еліміздің экономикасын дамытудың негізгі бағыттары туралы айтқанда тереңдетіле түседі.

жүктеу 99,17 Kb.

Достарыңызбен бөлісу:

1 ... 7 8 9 10 11 12 13 14 ... 38