Б. Динамика заңдарына есеп шығарудың алгоритмі

1. 
   Есеп шартын мұқият оқу.
   
2. 
   Есептің негізгі сұрағын айқындау керек.
   
3. 
   Есеп шартын қысқаша түрде жазу.
   
4. 
   Әрекеттесуші денелерді ерекшелеу.
   
5. 
   Әрекеттесуші денелерді бейнелейтін сурет салу.
   
6. 
   Векторлар арқылы денелерге әсер ететін күштерді бейнелеп көрсету.
   
7. 
   Әр бір дене үшін қозғалыс теңдеуінің векторлық түрін жазу.
   
8. 
   Қарастыратын құбылыс үшін оңтайлы болатын координаттар өстерін таңдау.
   
9. 
   Қозғалыс теңдеулерін шамалардың координата өстеріндегі проекциялары арқылы жазу.
   
10. 
    Есеп шартын талдау арқылы (қажет болса) кинематика теңдеулерін жазу.
    

11. 
    Алынған теңдеулер жүйесін ізделінді шамаға қатысты жалпы түрде шешу.
    
12. 
    Жалпы түрдегі шешімнің дұрыстығын формулаға кіретін шамалардың өлшемдеріне амалдар қолдану арқылы тексеру.
    
13. 
    Жалпы шешімге шамалардың ХЖ-дегі мәндерін қойып ізделінді шаманың сан мәнін анықтау.
    
14. 
    Алынған нәтиженің дұрыстығын (ақиқатқа сайлығын) бағалау.
    

Идеал жағдайда шанадағы баланы массасы m материалдық нүкте деп қарастыруға болады. Балаға ауырлық күші – mg , жердің реакция күші – N. Өз кезегінде бала жерге Р – күшпен әсер етеді, осы күш баланың салмағы болып табылады, ол модулі бойынша реакция күші – N-ге тең және төменқарай бағытталған. Яғни, біздің есебіміз тіреудің реакция күшін табуға тіреледі. Екінші жағынан баланың доға бойынша қозғалысы– центрге тартқыш үдеу боынша қозғалыс, бұл үдеу центрге қарай бағытталған. Сондықтан А нүктесінде өсті (у) жоғары қарай, ал Б нүктесінде өсті (у¹) төмен қарай бағыттаймыз.