Бос орындар жәрмеңкесі-2016

L.N. Gumilyov Eurasian national university

ПРЕСС-АНОНС

БОС ОРЫНДАР ЖӘРМЕҢКЕСІ-2016
2016 жылдың 29 сәуірінде сағат 10.00-де Л.Н.Гумилев атындағы Еуразия ұлттық университетінде (Сәтпаев к/сі 2, бас оқу ғимараты, 208 ауд.) университеттің 20 жылдығына орай түлектер үшін «Бос орындар жәрмеңкесі – 2016» өтеді.

Шараға 250-ге жуық әлеуетті жұмыс берушілер қатысады.

Жәрмеңкенің салтанатты бөлімі Л.Н.Гулмиев атындағы Еуразия ұлттық университетінің ректоры Ерлан Сыдықов пен ЕҰУ түлектері және де жұмыс берушілердің қатысуымен өтеді.

«Бос орындар жәрмеңкесі – 2016» мақсаты:

- Е Ұ У бітірушілерінің отандық және шетелдік ұйымдар мен кәсіпорындарға жұмысқа орналасуларына ықпал жасау;

- жұмыс берушілерді мамандарды дайындаудағы ерекшеліктермен таныстыру және түлектердің кездесуін ұйымдастыру;

- жұмысқа орналасуға мүмкіндік беретін ұйымдар мен кәсіпорындарда тәжірибе өту сұрақтарын шешу;

- жұмыс беру мен тәжірибеден өту сұрақтары бойынша факультет пен жұмыс беруші арасында тікелей байланыс орнату;

- университеттегі жұмыс берушілер базасын жаңа кәсіпорындармен толықтыру;

Жәрмеңкеге жұмыс берушілердің қатысу қарқыны жыл сайын артып отыр. 2014 жылы 140 кәсіпорын қатысса, 2015 жылы 230 компания мен кәсіпорын жәрмеңкеге қатысқан.

Жыл сайын ЕҰУ 3-3,5мың маманды дайындап отыр. Тұрақты жұмыспен қамтылған түлектер саны артуда. 2015 жылы жұмыспен қамтылған түлектер саны 85% құрап отыр. Еуразия ұлттық университетінің жұмыс берушілер фондында бүгінде 840 кәсіпорын мен ұйым бар.Университеттің кәсіпорындар мен ұйымдардағы «кафедра филалдары» саны да артып отыр. Бүгінде 50 кафедралардың филалдары жұмыс жасауда. 2016 жылдың 1-ші бөлімінде кафедра филалдарында 236 білім алушы кәсіби тәжірибеден өтті. Университеттің жұмысының маңызды бөлігінің бірі кәсіпорындар тапсырысына сай маман дайындау болып табылады. Университет маманды толық дайындауға байланысты келісімшарт жасау арқылы кәсіпорындарға маман дайындайды. Бүгніде 322 студент осындай келісімшарт негізінде оқытылуда. Мұндай шарттар компаниялардың кадрдардың кәсіби дамуына деген қызығушылығын арттырып отыр.