«Бекітемін» Агрономия факультетінің деканы

Білім алушылар пәндер курстарының оқу материалдарын (дәрістер, зертханалық, практикалық, семинарлық және басқа да сабақ түрлері) университеттің автоматтандырылған ақпараттық жүйесін (платонус, moodle, "юнихаб" жазба жұмыстарын тексерудің автоматтандырылған жүйесі) және online платформаларын, оның ішінде Zoom, немесе басқа да жалпы қолжетімді платформаларын пайдалана отырып, университеттен тыс жерде интернет ресурстарын қолдану арқылы меңгереді.

Триместр басталғанға дейін білім алушылар қашықтықтан оқыту технологияларымен пайдалануды үйренуі тиіс және «online» сабаққа тіркелу барысында барлық бөлімдерді дұрыс толтыруы қажет: тегі, аты, тобы, курсы, мамандығы, профиліне өз суретін қою. Білім алушылар оқу-жұмыс орнын интернет ресурстарына қолжетімділікпен қамтамасыз етуге міндетті. Оқу үдерісінің кедергісіз өтуіне алдын-ала жағдай жасауы қажет (бөгде дыбыстарды ажырату, бөгде адамдардың қатыспауын қадағалау т.б.). Дресс-кодты және ұқыптылықты сақтау қажет.

Сабақтар бекітілген кестеге сәйкес қана өткізіледі, кешігуге, «online» сабаққа қатыспауға қатаң түрде тыйым салынады. Сабаққа қатысудың күнделікті мониторингі жүргізіледі. Егер оқытушы сұрақ қойса, компьютердегі арнайы функцияны пайдалана отырып, қолын көтеріп жауап беруге болады. Сабақ кезінде туындаған сұрақтарды платформадағы чатта қоюға болады.

Білім алушылардың ағымдық бақылауы пәннің жұмыс оқу жоспарына (силлабус) сәйкес және "Білімді бақылау және қорытынды аттестаттауды жүргізу" СМЖ құжатына сәйкес жүргізіледі. «Платонус» ААЖ-ға электрондық журналды толтыру нұсқаулығына сәйкес «online» режимінде интернет ресурстары арқылы «Платонус» ААЖ электронды журналына баға қойылады. Олар «ARTA» ЭҚЖ-да орналастырылған.

Қашықтықтан оқыту технологиясын пайдалана отырып пәндер курстары бойынша оқытушылар белгілеген тапсырмаларының «online» режимінде уақытылы орындалуына білім алушылардың өздері жауапты. Қашықтықтан оқыту технологиясын пайдалануға оқу мүмкіндігі болмаған жағдайда білім алушы өзінің кураторына/эдвайзеріне/кафедра меңгерушісіне/факультет деканына кез келген байланыс құралдары арқылы осы ақпаратты хабарлауға міндетті.

4. 
   «С.Сейфуллин атындағы ҚАТУ» КЕАҚ-да қашықтықтан оқыту технологияларын пайдалану жөніндегі нұсқаулықтар «Platonus» ААЖ және «MOODLE» Қашықтықтан оқыту технологиясының «Хабарландыру» бөлімдерінде, сонымен қатар «ARTA» ЭҚЖ «Қашықтықтан оқыту технологиясы» бөлімінде орналастырылған.