Барлық қызмет салалары үшін бірыңғай (салааралық) еңбек жөніндегі үлгiлiк нормалар мен нормативтері

Аумақты тазалаушылар (аула сыпырушылар) қызмет көрсету нормалары

А. Салқын жыл мезгілі үшін белгіленген қызмет көрсету нормалары

жиналған қарды немесе оның үйіндісін көгалды жерлерге және ауланың бос учаскелеріне 1 текше м қар (немесе үйіндісін) лақтыруға (кейіннен қар лақтырылған жерді тегістей отырып) белгіленген уақыт - 23,9 мин; қарды немесе оның үйіндісін автокөлікке қолмен тиеуге уақыт нормасы 1 текше м қарға (немесе үйіндісіне) -14,I мин. Осы уақыт нормаларының негізінде (сол жерде белгіленген мерзімділікті ескере отырып) осы жұмыстарға жұмсалған уақыт шығындары белгіленеді және қызмет көрсетудің ірілендірілген нормалары тиісінше қайта есептеледі.

Б. Жылы жыл мезгіліне арналған қызмет көрсету нормалары

аулаға су себу және ауланы жуу, сондай-ақ көгалды жерлерді жинау жөніндегі жұмыстарды орындау жергілікті ұйымдастыру-техникалық және климаттық жағдайларға сәйкес белгіленеді, бұл ретте ірілендірілген нормаларын есептегенде осы жұмыстарға жұмсалатын уақыт шығындары ескерілмейді;

осы жұмыстарды орындағанда мынадай уақыт нормаларын пайдаланған жөн:

1 шаршы метр аулаға шлангіден суаруға:

1 сынып - 0,04 мин,

2 сынып 0,07 мин,

3 сынып - 0,08 мин;

1 шаршы метр аулаға шлангіден жууға:

1 сынып - 0,09 мин,

2 сынып - 0,12 мин,

3 сынып -0,15 мин;

көгалды жерлердің 1 шаршы метрін жинауға - 0,05 мин;

көгалды жерлердің 1 шаршы метріне су құйғанда - 0, 08мин;

осы уақыт нормаларының негізінде (сол жерде белгіленген мерзімділікті ескере отырып) осы жұмыстарға жұмсалған уақыт шығындары белгіленеді, тиісінше бекітілген қызмет көрсет нормалары қайта есептеледі.

Барлық қызмет салалары үшін бірыңғай (салааралық)

еңбек жөніндегі үлгiлiк нормалар мен нормативтерінің

3-қосымшасы

Жинақта қамтылған басқарма ғимараттарына жататын ғимараттардың сипаттамасы

Бірінші топ: қабырғалары – кірпіш, панель; іргетастары – тас және бетон.

Екінші топ: қаптамасы нағыз гранит, қабырғалары монолитті темір бетон.

Күтпеген жұмыстарға мыналар жатады: ұсақ зақымдары мен ақауларын жою, авариялар мен апатты зілзалалардың салдарын жою, апатты зілзалалар мен авариялардан кейін кезектен тыс тексерулерді жүргізу.

Тексерулер әр айға жасалатын кестелер бойынша жүргізіледі. Тексерулердің барысында жұмысшылар анықталған ұсақ ақауларды жояды.

Кезектен тыс тексерулер нөсерлерден, қатты қар көшкінінен, желден кейін жүргізіледі.

Профилактикалық ағымдағы жөндеу объекті бойынша жұмыс жоспарына сәйкес жүргізіледі.

Шұғыл түрде жою сипаты бар барлық ақаулар Ғимаратты техникалық пайдаланудың қолданыстағы ережелері мен нормаларына сәйкес белгіленген мерзімдерде орындалады. Шұғыл түрде жою сипаты жоқ ақаулар профилактикалық жөндеу кезінде жойылады. Авариялар мен апатты зілзалаларды жою жөніндегі жұмыстар көлемі арнайы, жоспардан тыс тексерулердің нәтижесінде белгіленеді. Ғимараттар жоғары технологиялық тіршілікті қамтамасыз ету жүйесімен жарақтандырылған, оған қазіргі заманғы жылыту, желдету, ауаны баптау, лифтілер және әлемнің алдыңғы қатарлы фирмаларының басқа да күрделі аспаптары мен жабдықтарының моделі кіреді. Барлық жүйелердің жұмысын басқару мен бақылауды компьютерлік автоматты бақылау және реттеу орталығы қамтамасыз етеді.

Осылайша, ғимараттың техникалық тіршілік қызметін қамтамасыз ету жүйесі мыналар болып табылады:

ішкі сумен жабдықтау және кәріз жүйесі;

желдету және ауаны баптау жүйесі;

жылумен жабдықтау жүйесі;

байланыс және өртке қарсы сигнал беру жүйелері.

Барлық қызмет салалары үшін бірыңғай (салааралық)

еңбек жөніндегі үлгiлiк нормалар мен нормативтерінің

4-қосымшасы

Ғимаратты техникалық пайдалану және ағымдағы жөндеу жөніндегі қызмет көрсету нормалары
Қызмет көрсету нормалары жыл ішінде тиісті кәсіптегі бір жұмысшының жұмыс көлемін орындау үшін белгіленген және жұмыс түрлері мен ғимараттар тобы, сондай-ақ оларды пайдалану мерзімдері бойынша сараланған.

Ғимараттың құрылымдық элементтері материалына байланысты екі топқа бөлінеді.

Бірінші топ:

қабырғалары – кірпіш, панель;

іргетастары – тас және бетон.

Екінші топ:

қабырғалары монолитті темір бетон; қаптамасы нағыз гранит, сөрелері – алюминий, кіреберісі сырттан түрлі түсті рефлекторлық әйнекпен шыныланған; металл пластикадан жасалған қиын ашылатын терезелер; алюминийден жасалған есік; шатыры – жақсы жылытылған балқытылған мембрана.

Ғимаратты ағымдағы жөндеу ғимараттың бөліктерін, инженерлік жабдықтарды уақытынан бұрын тозудан сақтау жөніндегі жоспарлы - алдын алу жұмыстарынан және ғимаратты пайдалану барысында туындаған ұсақ зақымдары мен ақауларын жою жұмыстарын жүргізуде. Осыған байланысты жөндеу жөніндегі жұмыстар жоспарланған және күтпеген жерден болған деп бөлінеді.

Жоспарланған жұмыстарға мыналар жатады: мерзімдік тексерулер және профилактикалық жөндеу.

Күтпегендерге мыналар жатады: ұсақ зақымдарын мен ақауларын жою, авариялар мен апатты зілзалалардың салдарын жою, апатты зілзалалар мен авариялардан кейін кезектен тыс тексерулерді жүргізу.

Тексеру әр айға жасалатын кестелер бойынша жүргізіледі.

Тексеру барысында жұмысшылар анықталған ұсақ ақауларды жояды.

Кезектен тыс тексерулер нөсерлерден, қатты қар көшкінінен, желден және тағы басқа да кейін жүргізіледі. Профилактикалық ағымдағы жөндеу объектісі бойынша жұмыс жоспарына сәйкес жүргізіледі. Шұғыл түрде жою сипаты бар барлық ақаулар Ғимаратты техникалық пайдаланудың қолданыстағы ережелері мен нормаларына сәйкес белгіленген мерзімдерде орындалады. Шұғыл түрде жою сипаты жоқ ақаулар профилактикалық жөндеу кезінде жойылады. Авариялар мен апатты зілзалаларды жою жөніндегі жұмыстар көлемі арнайы, жоспардан тыс тексерулердің нәтижесінде белгіленеді.

Барлық қызмет салалары үшін бірыңғай (салааралық)

еңбек жөніндегі үлгiлiк нормалар мен нормативтерінің

5-қосымшасы

Ұйымның ғимаратында қызмет көрсету үшін жұмысшылар санын есептеу мысалы

Ұйым бастапқы деректер:

Көше жағынан бір кіреберісі бар ұйымның ғимаратында 640 адам жұмыс істейді.

Ғимараттың жалпы алаңы (м²) – 3458, оның ішінде: қызметтік үй-жайлар алаңы - 1970 (толтырылу коэффициенті 0,2-ден 0,4-ке дейін), отырыс залының алаңы 490 (толтырылу коэффициенті 0,6), дәліздер алаңы - 555 (толтырылу коэффициенті 0,2-ге дейін), вестибюль алаңы - 108 (коэффициенті 0,3), ерлер дәретханасы алаңы - 55, әйелдер дәретханасы алаңы 70, баспалдақ алаңы - 210.

Ғимаратта өздігінен қолдануға арналған үш лифт бар (екі лифт қатар және біреуі жеке орналасқан).

Ғимарат ауа желдеткішімен жабдықталған, гардероб 850 орынға есептелген және бір ауысымда жұмыс істейді. Жабдықтар бірлігіне шаққандағы жеке тұлғалардың саны – 550.

Жиһаз бірлігінің саны – 800.

Барлық кәсіптер үшін жоспарланып отырған демалыстар, ауруы бойынша және тағы басқа да жұмысқа шықпаулардың коэффициенті (К_н) 1,1 (шартты түрде қабылданған) және мына формула бойынша белгіленген:

Тізімдік сан (С_т) формула бойынша белгіленеді:

С_т = С_к х К_н
Қызметтік үй-жайларды тазалаушы:

Ғимараттың көрсетілген алаңына байланысты, 11 және 12-кестелер бойынша сандық мәндерін қойып, қызметтік үй-жайлардағы тазалаушылардың нормативтік келу санын белгілейміз.