Банктік ќарыз шарты бойынша ќарыз алушыныѕ ќўќыќтары туралы

Біріншіден, кәсіпкерлік қызметпен байланысты емес қарызды алғаннан кейін, қарыз алушы оны он төрт күнтізбелік күн ішінде тұрақсыздық айыбы мен айыппұлды төлеусіз қайтаруға құқылы. Қарызды алған күннен бастап бір жыл өткеннен кейін, оны сондай-ақ мерзімінен бұрын тұрақсыздық айыбы мен айыппұлды төлеусіз өтеуге болады.

Екіншіден, егер кесте бойынша төлем жасау күні демалыс немесе мереке күніне келетін болса, онда төлемді келесі жұмыс күні тұрақсыздық айыбы мен айыппұлды төлеусіз жүзеге асыруға болады.

Үшіншіден, қарыз алушы банктен айына бір реттен артық емес банктік қарыз шарты бойынша қарызды өтеуге келіп түскен ақшаны бөлу туралы тегін ақпаратты ала алады. Бұл үшін қызмет көрсететін банкке жазбаша түрде жолығу қажет.

Төртіншіден, қарыз алушы қарызды мерзімінен бұрын өтегісі келсе, өтініш негізінде банктен негізгі қарыз, сыйақы, комиссия, тұрақсыздық айыбы, айыппұл бойынша бөлінген қайта төленетін соманың көлемі туралы ақпаратты алуға құқылы.

Осындай ақпаратты банктер үш жұмыс күннен артық емес мерзімде ұсынулары қажет.

Бесіншіден, алған қарыз бойынша даулы жайлар болған жағдайда, қарыз алушы банкке жазбаша түрде жолығып, ҚР «Жеке және заңды тұлғалардың өтініштерін қарастыру тәртібі туралы» Заңнамамен бекітілген мерзімде жауап алуға құқылы.

Ипотекалық қарыз шартында сондай-ақ, қарыз алушының жасалған ипотекалық қарыз шарты бойынша туындаған келіспеушіліктерді реттеу үшін банктік омбудсманға жазбаша түрде жолығу құқығы болуға тиіс.

Әлеуетті қарыз алушы (жеке тұлғаға) банктік қарыз шартын жасағанға дейін, сараланған төлем әдісімен және аннуитетті төлем әдісі бойынша есептелген төлем кестесінің жобасымен танысу, және төлем әдісін таңдау қажет.

Шартқа, кестеден басқа, қарыз алушыға қарыздың барлық сомасы және валютасы, қарыздың мерзімі, төлемдер көлемі және қарызға қатысты басқа да мәліметтері бар қол қойылған және банктің мөрімен куәландырылған жадынама берілуі тиіс.