Бағдарламалу технологиясы

5 МАССИВТЕР

5.1 Сілтемелік тип туралы мағлұмат

C# тілінде айнымалылардың екі типі бар – мәнді және сілтемелік. Мәнді типтегі айнымалылар сәйкес типте деректер мәнін сақтауға қабілетті. Сілтемелік айнымалылар компьютер жадының физикалық адресін сақтайды, олар арқылы компьютер жадында деректердің сәйкес мәндері орналасады.

Деректерді сақтау үшін мәнді типтегі айнымалыларға жады әдетте бағдарлама компиляциясы кезінде, ал сілтемелік типті айнымалыларға new операторының көмегімен бағдарлама орындалу барысында бөліненді.

Біз бұдан бұрынғы бағдарламаларда сілтемелік типтегі айнымалыны - кездейсоқ сандарды дайындайтын Random класының (rnd объектісі) айнымалысын қолданғанбыз.

Айта кету керек сілтемелік тип әдетте құрылымы күрделі деректерді, яғни массивтер, жолдар, кластар типіндегі деректерді ұйымдастыру үшін қолданылады. Барлық осы деректер үйінді (куча) деп аталатын компьютердің арнайы жадында сақталады. Мәнді типтегі барлық айнымалылар бағдарламалық стекте орналасады, ал сілтемелік типті айнымалылар - операциялық жүйе басқаратын үйіндіде.

Сондықтан сілтемелік типті айнымалыларға қарағанда мәнді типтегі айнымалыларға қатынау (қол жеткізу) үшін біраз уақыт жұмсалады, бірақ мәнді типті айнымалыларға қарағанда сілтемелік типті айнымалыларға жады көлемі бір деңгейге көбірек бөлінеді.

Кейде мәнді типтегі айнымалылар үшін компьютер жадын үлестіруді жадының статикадық үлестіруі деп атайды, яғни компьютер жадын бөлу үдерісі бағдарлама компиляциясы кезінде орындалады. Ал сілтемелік типті айнымалыларға компьютер жадын үлестіруді жадының динамикалық үлестіру деп атайды, яғни компьютер жадын бөлу үдерісі бағдарламаның орындалуы барысында орын алады.

Ескере кету керек, сілтемелік типті айнымалыларға компьютер жадын бөлу new операторы арқылы орындалады.