Б. К. Кенжембетова сурет салу әдістемелік нұсқау Мектепке дейінгі тәрбие мен оқытудың үлгілік оқу бағдарламасы

Педагог  сурет  үлгісіне    талдау  жасайды.  Дөңгелек,  үшбұрыш  пішіндердің  табақ 

ішінде қалай орналасқанына назарларын аударады.  

         Жұмыстың орындалу тәсілін көрсетіп, түсіндіру. 

Педагог  балаларға  осы  табақты  өрнектеп  әшекейлеуді  ұсынады.  Табақтағы  өрнектерді 

салу  жолдарын  түсіндіреді.  Алдын  ала  дайындалып  езілген  гуашьтармен  жасыл  және 

көгілдір  түсті,  табақтың  шетіне  солдан  оңға  қарай  үшбұрышты  өрнекті  салғызады. 

Өрнектерді  қылқаламмен  немесе  мақта  оралған  таяқшамен  салғызуға  да  болады.  Бұл 

өрнектің «тұмарша» деп аталатынын түсіндіреді. Табақтың ортаңғы бөлігіне өрнекті мақта 

оралған  таяқшамен  бояуды  басу  арқылы  салады.  Сурет  салуда  алдымен  ортасындағы  

үлкен  дөңгелекті,  содан  кейін  кіші  дөңгелектерді  салады.  Түстерді  ауыстырып 

пайдалануға бағыт беріледі. 

Сергіту сәті: 

Жалғыз саусақ тіпті де, 

Ұстай алмас жіпті де. 

Екі саусақ бірікті, 

Ине қолға ілікті. 

Үш саусағым орамды 

Жүгіртеді қаламды, 

Өнерлі екен он саусақ! 

Қала салсақ, жол салсақ. 

Балалар жұмысқа кіріседі. Қандай құралмен сурет салатынын өз еркімен таңдайды. 

Жұмыс  уақытында  педагог  балаларға  гуашьпен,  мақталы  таяқша,  қылқаламмен, 

өрнектермен  табақты  безендіруде  сурет  салу  ережесін  еске  түсіреді.  Жеке  жұмыстар 

жүргізеді, балалардың жұмыстарын бақылап, көмектеседі.