жылғы 23 қарашадағы Қазақстан Республикасының Еңбек кодексі

Қаржы нарығы мен қаржы ұйымдарын реттеу, бақылау және қадағалау жөніндегі уәкілетті орган қызметкерлерінің еңбегі лауазымға тағайындаудың, еңбек шартын тоқтатудың ерекше талаптарын, ерекше еңбек жағдайларын, еңбекке ақы төлеу жүйесі мен жағдайларын, сондай-ақ қосымша жеңілдіктерді, артықшылықтар мен шектеулерді белгілейтін «Қаржы нарығы мен қаржы ұйымдарын мемлекеттiк реттеу, бақылау және қадағалау туралы» Қазақстан Республикасының Заңында және Қазақстан Республикасының өзге де нормативтік құқықтық актілерінде және қаржы нарығы мен қаржы ұйымдарын реттеу, бақылау және қадағалау жөніндегі уәкілетті органның актілерінде көзделген ерекшеліктермен бірге осы Кодекспен реттеледі.

Ұлттық Банктің жекелеген функцияларын, өкілеттіктері мен штаттық бірліктерін бере отырып, қаржы нарығы мен қаржы ұйымдарын реттеу, бақылау және қадағалау жөніндегі уәкілетті органды Қазақстан Республикасының Ұлттық Банкінен бөлу арқылы оның қайта құрылуына байланысты, сондай-ақ қаржы нарығында жұмыс тәжірибесі бар жоғары білікті мамандар қатарынан кадрларды тарту арқылы оның қызметінің ерекшелігін ескере отырып Агенттікті институционалдық тұрғыдан күшейту мақсатында мемлекеттік және азаматтық қызметшілерге жатқызылмаған, олар үшін лауазымға тағайындаудың, еңбек шартын тоқтатудың ерекше талаптары, ерекше еңбек жағдайлары, еңбекақы төлеу жүйесі мен жағдайлары, сондай-ақ артықшылықтар мен шектеулер белгіленетін қаржы нарығы мен қаржы ұйымдарын реттеу, бақылау және қадағалау жөніндегі уәкілетті орган қызметкерлерінің ерекше мәртебесін Ұлттық Банкке ұқсастығы бойынша айқындау қажет.