Ќазаќстан Республикасыныњ бiлiм жєне ѓылым министрлiгi

Домалау подшипниктері конструциялық және пайдалану ерекшеліктеріне қарай өздігінен орнығатын және өздігінен орнықпайтын (барлық сфералы емес подшипниктер) болып бөлінеді.

Габариттік өлшемі (диаметрі, ені, биіктігі) мемлекеттік стандарт бойынша бекітілген.

Домалау подшипниктері радиалдық габариттік өлшемдері бойынша өте жеңіл (екі сериялы,) ерекше жеңіл (екі сериялы), жеңіл, орташа, ауыр (барлығы жеті серия) болып, ал көлденеңі бойынша – еңсіз, әдеттегідей кең және ерекше кең әртүрлі серияға бөлінеді.

Қазіргі кезде жеңіл және орташа сериялы, енді домалау подшипниктері кеңінен таралған.

Домалау подшипниктері каталогтармен әріптерден тұратын шартты белгілермен белгіленеді.

Домалау подшипниктерінің шариктері, роликтері және шығыршықтары көбінесе ШХ6, ШХ9,ШХ15 және ШХ15СГ сияқты жоғары көміртекті хромды болаттардан жасалады. (мұндағы цифрлар хромның мөлшерін проценттің оннан бір бөлігімен көрсетеді). ШХ15СГ болатының құрамында қосымша 0,5% кремний және шамамен 1%-дай марганец бар.

Хромды болаттар мен бірге домалау подшипниктерінің шариктері, роликтері және шығыршықтары аз көміртекті қоспалы шынықтырылған және цементтелген болаттардан да жасалады.

Бұл подшипниктердің сеператорлары көміртекті жұмсақ болаттан, қоладан, алюминидің ерітпе қоспаларынан пластмассалардан және т.б материалдардан жасалады.

Соңғы кезде домалау подшикниктерінің шариктері мен роликтерін пластмассалардан (көбінесе шынылы пластиктерден) жасай бастады, бұл жағдайда подшипниктердің шусыз, бірқалыпты жұмыс істеуі қамтамасыз етіледі.
Домалау подшипниктерінің конструкциясымен атқаратын қызметі.

Жоғарыда біз домалау подшипниктерінің көптеген конструкциялық түрлерінің бар екендігін байқадық. Енді неғұрлым көп тараған домалау подшипниктерінің конструкциясы мен оладың міндетін қарастыралық.