Қазақстан Республикасының бiлiм және ғылым министрлiгi

Сонымен негізгі міндеті ретінде, берілген сыртқы күштердің мәнін ескере отырып және бастапқы звеноның берілген қозғалыс заңына сәйкес кинематикалық жұптарға реакцияларды анықтау деп қарастырдық. Бірақта бұл жерде қайшылық туындайды. Жетекші звеноның қозғалыс заңы сыртқы күштерге байланысты, ал сыртқы күштердің әсерінен жетекші звено берілген қозғалыс заңы бойынша қозғала алмайды.

Жетекші звено қозғалыс заңы бойынша қозғалу үшін, оған сырқы берілген күштерден басқа қосымша теңестіруші күш (теңестіруші момент) түсіру керек. Ол күш барлық сыртқы күштерді және инерция күштерін теңестіреді.Сондықтан күштік есептеудің негізгі міндеті ретінде кинематикалық жұптардағы реакцияларды табу мен қатар қосымша теңестіруші күшті немесе теңестіруші моментті анықтау қарастырылады.

Қандай да бір кинематикалық тізбектегі күштік есептеуді жүзеге асыру үшін, осы қарастырылып отырған кинематикалық тізбек статикалық анықталған болу керек, басқаша айтқанда осы кинематикалық тізбек үшін құрастырылған теңдеулер саны белгісіздер санына тең болу керек.

Бұнда көрінгендей төменгі кинематикалық жұптарда белгісіздер саны екіге, ал жоғарғы кинематикалық жұптарда белгісіздер саны бірге тең.