16. Кредит/микрокредит алу үшін үміткерлер халықты жұмыспен
қамту орталықтарының жолдамалары бойынша оқыту курстарынан өткені
туралы сертификаттармен (микробизнес ашатындар үшін міндетті) осы
Қағидаларға 1-қосымшада көрсетілген құжаттарды қоса бере отырып
кредит/микрокредит алуға арналған өтінішпен МҚҰ-ға/КС-ға/ «АШҚҚҚ»
АҚ-ға жүгінеді.
17. Кредит беруші Қатысушыдан кредит/микрокредит алуға арналған
құжаттар топтамасы бар өтінішті алған сәттен бастап 3 жұмыс күні ішінде оның
толықтығын, сондай-ақ кредит берушінің кредиттік өнімінің талаптарына
сәйкестігін тексереді.
18. Құжаттар топтамасы толық болмаған және/немесе өтініш кредит
берушінің кредиттік өнімінің талаптарына сәйкес келмеген жағдайда, кредит
беруші осы Қағидалардың 17-тармағында көрсетілген мерзім ішінде құжаттар
топтамасы бар өтінішті қайтару себептерін көрсете отырып, хатпен кері
қайтарады.
Қатысушы қайтару себептерін жойған кезде құжаттардың толық
топтамасы бар өтінішті қайта енгізеді.
19. Кредит беруші Қатысушыдан құжаттардың толық топтамасы бар
өтінішті алған сәттен бастап 15 жұмыс күні ішінде бизнес-жобаға бағалау
жүргізеді
және
осы
Қағидалардың
талаптарына
сәйкес
кредит
беру/микрокредит беру мүмкіндігі (немесе мүмкін еместігі) туралы шешім
қабылдайды.
20. «АШҚҚҚ» АҚ/КС/МҚҰ Қатысушымен кредит/микрокредит беру
туралы шартқа қол қоюды жүзеге асырады және кредит/микрокредит беруді
жүзеге асырып кейіннен кредиттің/микрокредиттің нысаналы пайдаланылуы
мен уақтылы өтелуін мониторингтейді.
21. Кредиттерді/микрокредиттерді беру Қағидалардың осы тарауында
көзделген тәртіппен жүзеге асырылады.
4-тарау. Мониторинг
22. Қатысушылар кредит/микрокредит алған күннен бастап күнтізбелік
90
күн
ішінде
растайтын
құжаттарды
қоса
бере
отырып
кредиттердің/микрокредиттердің нысаналы пайдаланылғанын растайды. Жаңа
жұмыс орнының құрылғанын кредит/микрокредит алған күннен бастап
күнтізбелік 180 күн ішінде жасалған еңбек шартымен расталады.
23. Кредиттің/микрокредиттің нысаналы мақсатын өзгерту немесе
кредиттің/микрокредиттің нысаналы пайдаланылғанын растау мерзімін/игеру
мерзімін ұзарту кредит берушімен келісе отырып жүзеге асырылады.
24. Егер, Қатысушы осы Қағидалардың 22-тармағында көрсетілген
мерзім ішінде нысаналы пайдаланылғанын және жұмыс орындарының
құрылғанын растамаса, Қатысушы мен кредит беруші арасындағы шартта
көрсетілген мөлшерде Қатысушы айыппұл төлейді және алынған қаражатты
толық көлемде кредит берушіге қайтарады.
25. Кредит беруші ішкі құжаттарға және қарыз алушылармен жасалған
шарт талаптарына сәйкес Қатысушы кредиттің/микрокредиттің нысаналы
пайдаланылғанын толық растағанға дейін қаржыландырылған жобалардың
нысаналы пайдаланығанына мониторинг жүргізеді.
26. МҚҰ/КС ай сайын есепті айдан кейінгі айдың 1-іне дейінгі
мерзімде микрокредит беру ұйымына берілген
кредиттер/микрокредиттер
бойынша ақпарат береді. Микрокредит беру ұйымы мен «АШҚҚҚ» АҚ ай
сайын есепті айдан кейінгі айдың 3-іне дейінгі мерзімде ауыл шаруашылығы
басқармасына берілген осы Қағидаларға 2-қосымшаға сәйкес нысан бойынша
кредиттер/микрокредиттер бойынша ақпарат ұсынады.
27. Ауыл шаруашылығы басқармасы кредит берушілердің қаражатты
уақтылы игерулеріне тұрақты негізде мониторинг жүргізеді. Микрокредит беру
ұйымының және «АШҚҚҚ» АҚ-ның есептері негізінде ай сайын есепті айдан
кейінгі айдың 5-іне дейінгі мерзімде халықты жұмыспен қамту орталықтарына
және Уәкілетті органға берілген кредиттер/микрокредиттер бойынша ақпарат
береді, жарты жылдың және есепті жылдың қорытындылары бойынша
ақпаратты есепті айдан кейінгі айдың 10-ына дейінгі мерзімде береді.
Уәкілетті орган ауыл шаруашылығы басқармаларының ақпараты
негізінде ай сайын есепті айдан кейінгі айдың 10-ына дейінгі мерзімде халықты
жұмыспен қамту мәселелері жөніндегі уәкілетті органға берілген
кредиттер/микрокредиттер бойынша ақпарат береді.
28.
Кредиттің/микрокредиттің
нысаналы
пайдаланылуын
мониторингтеу нәтижелері бойынша МҚҰ/КС есепті айдан кейінгі айдың
10-ына дейінгі мерзімде микрокредит беру ұйымына осы Қағидаларға
3-қосымшаға сәйкес нысан бойынша кредиттердің/микрокредиттердің
нысаналы пайдаланылуы туралы тоқсан сайынғы есепті береді.
29.
Микрокредит беру ұйымы және «АШҚҚҚ» АҚ ауыл шаруашылығы
басқармасына тоқсан сайынғы негізде есепті айдан кейінгі айдың 20-сына
дейінгі мерзімде осы Қағидаларға 3-қосымшаға сәйкес нысан бойынша
кредиттердің/микрокредиттердің нысаналы пайдаланылуы туралы есеп
береді.
30. Берілген
кредиттер/микрокредиттер бойынша есептік ақпарат
Қағидалардың осы тарауында көзделген тәртіппен және мерзімдерде беріледі.
