Қазақстан Республикасы Парламентінің Мәжілісі

2014 жылғы 29 мамырдағы Еуразиялық экономикалық одақ туралы шарттың 7-бабына сәйкес, сондай-ақ Комиссия Кеңесінің 2014 жылғы 16 шілдедегі №58 шешімімен бекітілген Еуразиялық экономикалық одақ туралы шартқа сәйкес Актілер мен халықаралық шарттарды әзірлеудің жұмыс жоспарының 9-тармағын орындау мақсатында Еуразиялық экономикалық одаққа мүше мемлекеттердің мүдделі министрліктері мен ведомстволарымен бірлесіп, Еуразиялық экономикалық комиссия Келісімді әзірледі.

Келісім Еуразиялық экономикалық одаққа кірмейтін мемлекеттермен халықаралық шарттар жасасу, олардың қолданысын тоқтату және тоқтата тұру тәртібін айқындайды. Бұл ретте халықаралық шарттар еркін сауда туралы келісімдер (преференциалды) мен сауда-экономикалық ынтымақтастық туралы келісімдер (преференциалды емес) болып тұспалданады. Сондай-ақ Келісім келіссөз делегациясы жұмысының тәртібін, оның басшысының өкілеттіктерін, үшінші тарапқа берілетін және жалпы үшінші тараптың ұсыныстарын, келіссөз позициясын қамтитын құжаттарының жобаларын мүше мемлекеттермен міндетті түрде келісуін айқындайды.

Жоғарыда баяндалғанды ескере отырып, Қазақстан Республикасының Үкіметі «Қазақстан Республикасының халықаралық шарттары туралы» Қазақстан Республикасы Заңының 13-бабының 2-тармағы мен 27-бабының 4-тармақшасына сәйкес Қазақстан Республикасы Парламенті Мәжілісінің қарауына «Еуразиялық экономикалық одақтың үшінші мемлекеттермен, халықаралық ұйымдармен немесе халықаралық интеграциялық бірлестіктермен халықаралық шарттары туралы келісімді ратификациялау туралы» Қазақстан Республикасы Заңының жобасын енгізеді.