Ќазаќстан республикасы білім жјне єылым

5В011100-Информатика мамандығы (3-курс) үшін

Шымкент, 2015 ж.
5В011100-«Информатика» мамандығының студенттері үшін іс-тәжірибені ұйымдастыру және өткізу бойынша әдістемелік нұсқау. – Шымкент: ОҚМПИ, 2015 - 16 б.

Авторлар: п.ғ.к., аға оқытушы Адылбекова Эльвира Тулепбергеновна

Іс-тәжірибені ұйымдастыру және өткізу туралы әдістемелік нұсқау ҚРМЖББС 5.03.005-2009 ж., СТ ОҚМПИ 7.08-2010 негізінде жасалған.

Әдістемелік нұсқауда іс-тәжірибенің мақсаты мен міндеттері, мазмұны мен өткізілуі, жеке тапсырмалар мен есеп беру тәртібі көрсетілген.

«Информатика» кафедрасының мәжілісінде (№1 хаттама, «27» тамыз 2015 ж.) және «Физика-математика» факультетінің кеңес мәжілісінде (№1 хаттама, «27» тамыз 2015 ж.) талқыланып, мақұлданған.


Кіріспе

Кәсiптiк бiлiм беру кадрларды даярлау және кәсiптiк бiлiм беру жүйесiнiң базалық деңгейi болады әрi бiлiктi кадрларды және қоғамдық пайдалы кәсiптiк қызметтің барлық негiзгi түрлерi бойынша қызмет көрсету еңбегінiң мамандарын даярлауға бағытталады. Осыған байланысты ЖОО-да 5В011100-информатика мамандығы бойынша оқитын студенттерге педагогикалық іс-тәжірибеден өту олардың оқу жоспарына енгізілген. Кадрларды кәсіптік тұрғыдан даярлау жүйесінде педагогикалық іс-тәжірибе маңызды рөл атқарады.

Іс-тәжірибенің негізгі мазмұнын студенттің практикалық оқу-тәрбие іс-әрекеттері құрайды. Іс-тәжірибе кезінде мұғалімдерге, мектептің ұжымына университет тарапынан шығармашылық сипатындағы көмек көрсетіледі. Бұл іс-тәжірибе ең алдымен оқу мақсаттары мен кәсіби даярлықтың міндеттерін көздейді. Іс-тәжірибе әр курста студент-практиканттарға әртүрлі міндеттер қояды, құрылым мен мазмұн жағынан да әр курста әртүрлі болады.

Бұл іс-тәжірибені ұйымдастыру және өткізуге байланысты әдістемелік нұсқаулар 5В011100-информатика мамандығында оқитын студенттерге арналған және Оңтүстік Қазақстан мемлекеттік педагогикалық институтының талаптарына сай әзірленген.

Іс-тәжірибе студенттің болашақ мамандығы қажет ететін, қазіргі заманға сай техникалық базамен жабдықталған жалпы орта мектептерде, лицейлерде немесе мектеп-гимназияларда өтіледі. Ол мекемелермен алдын-ала іс-тәжірибе басталар уақыттан бұрын институт және мектеп тарапынан 2 жақты келісім-шарт түзіледі.

Іс-тәжірибе өтілетін жерде студентке жұмыс бағдарламасына сәйкес тапсырмаларды орындауға мүмкіндік беретін жеке орын бөлінеді.

Іс-тәжірибе барысында студент мектептің барлық талаптары мен ережелеріне бағынып, техника қауіпсіздігі ережесін орындауы қажет.

Іс-тәжірибе мерзімі оқу жоспарына және жылдық оқу кестесіне сәйкес өтіледі.

1 іс-тәжірибенің мақсаты мен міндеттері

Іс-тәжірибенің мақсаты:

Студенттің жоғары оқу орнында алған теориялық білімдерін тереңдету және бекіту, алған білімдерін іс-жүзінде, оқушылардың оқу-тәрбие жұмыстарын бақылауда және талдауда біліктіліктермен, іскерліктермен қаруландыру; студенттерді психология және педагогика ілімдеріне сүйене отырып - жас және жеке тұлға ерекшеліктерін ескере отырып, оқу-тәрбие жұмыстарын жүргізуге үйрету: оқушылардың танымдық іс-әрекетін белсендіретін әр түрлі оқыту әдістерін пайдалана отырып математика сабақтарын өткізуге студенттерді дайындау.

Педагогикалық іс-тәжірибе мамандыққа баулитын пәндерді оқыту кезінде алынған білімдерді бекіту мақсатында жүргізіледі. Іс-тәжірибенің негізгі мақсаты – студенттің болашақ мамандығы бойынша өз бетінше жұмыс істеу тәжірибесін қалыптастыру, информатика бойынша білімдері мен біліктіліктерін шыңдау, оқушылармен, педагогикалық ұжыммен жұмыс жасауға үйрену, техникалық құралдарды информатиканы оқытуға қолдануға үйрену.

- болашақ информатик мұғалімдерді қызметке даярлау;

- студенттерді оқушылар денсаулығына зейінділікпен қарауға үйрету;

Студент орындайтын іс- әрекеттер:

• 
  мекеменің басқару және ұйымдастыру қызметімен және информатика пәнінің мұғалімінің әдістемелік тәжірибесімен, сынып жетекшісінің жұмыстарымен танысу;
  
• 
  мектептің техникалық, программалық және мамандық бойынша методологиялық жабдықталуымен танысу;
  
• 
  мектептің басқа да пән мұғалімдерінің білім беру қызметімен, тәжірибесімен танысу;
  
• 
  институтта кафедра тарапынан берілген жеке тапсырмаларды орындау;
  
• 
  ішкі ережелерді, мекеме дайындаған жұмыс орнының техника қауіпсіздігі ережелерін меңгеру;
  
• 
  іс-тәжірибенің барысында информатика мұғалімінің сабағына және практиканттардың сабақтарына қатысып, талдау жасау;
  
• 
  іс-тәжірибенің соңында жетекшіге жазбаша түрде есеп дайындау және қорғау;
  

Іс-тәжірибе кезіндегі жеке студентке берілетін тапсырманы кафедра іс-тәжірибе бағдарламасына сай береді.

Тапсырма тақырыбын таңдау барысында студенттің алдына нақты ғылыми зерттеулер жүргізудің бір бөлігімен сәйкестендірілген есептер қойылады. Тапсырманы орындау барысында студент берілген тақырыпқа сай әдебиеттер таңдауы керек.

Практикант мектептегі жұмыстарды орындау барысында іс-тәжірибе жоспарына сәйкес тәжірибе жинақтау керек. Іс-тәжірибе барысында студент күнделік жүргізу керек, оған берілген тапсырмалар бойынша негізгі мәліметтер жазылады және де іс-тәжірибе есебін дайындауға арналған материалдар ендіріледі.

Іс-тәжірибе соңында студент жазбаша түрде есеп дайындайды. Есепке берілген тапсырмалар бойынша орындалған жұмыстың нәтижесі жазылады, әдістемелік материалдар жинақталып, енгізіледі.

Дайындалған есеп кафедрада іс-тәжірибе есебін қабылдауға құрылған комиссия мүшелерінің алдында қорғалып, жетекшіге өткізіледі.

Еліміздің мектептеріне жоғары деңгейдегі маман, мемлекет сұранысын қанағаттандыратын, тәуелсіз Қазақстанның азаматын тәрбиелейтін мұғалім ғана емес, мемлекеттегі болып жатқан экономикалық өзгерістерге сәйкес, жаңаша ойлайтын, инновациялық даярлығы қалыптасқан маман қажет.

Мұғалімнің инновациялық даярлығы педагог тұлғасының мотивациялық, когнитивтік, процессуалдық компоненттерді қамтиды. Мұғалімнің инновациялық даярлығы кез келген педагогикалық іс-әрекетті жаңашылдық тұрғысынан нәтижелі шешуді көздейді. Информатик мұғалімнің инновациялық даярлығының ажырамас бөлігі техниканың дамуы, компьютердің және оның программалық жабдығының дамуына сай информатиканы оқытуда қолданылатын сабақтың техникалық сүйемелдеуін жүзеге асыра алатын, үздіксіз оқу-үйрену ізденісін жасайтындай даярлықтың да болуын талап етеді. Сондықтан педагогикалық іс-тәжірибе жетекшісі келесі міндеттерді атқарады:

- техникалық және технологиялық даярлықты қалыптастыру үшін педагогикалық іс-тәжірибелік жұмыстарында информатика ғылымында бұған дейін белгілі әдіснамалық тұжырымдарды басшылыққа алу;

- студенттің техникалық даярлығын қалыптастыру бағытындағы жұмыстарда әдіскер басшылыққа алады:

• 
  техника қауіпсіздік ережелерін білуі;
  
• 
  инновациялық технологиялар жайлы білімінің болуы;
  
• 
  өз іс-әрекетіне талдау, сараптама жасай алуы;
  
• 
  өз білімін өзі жетілдіруге талпынысы.
  

• 
  педагогикалық іс-тәжірибенің оқу жоспарына сай болуын тексеру;
  
• 
  педагогикалық іс-тәжірибе өткізетін мектептерді уақытылы алдын-ала
  

• 
  мектеп ұжымымен алғаш кездесуді және іс-тәжірибе соңынан қорытынды жиналысты ұйымдастырып, мектеп қызметкерлерімен, әсіресе информатика пәні мұғалімдері мен сынып жетекшілерімен, мектеп директорының оқу ісі жөніндегі орынбасарымен (завучпен) педагогикалық іс-тәжірибе қорытындысы жөнінде әңгімеге өткізу;
  
• 
  студенттердің іс-тәжірибесінің басталуына сай институт қабырғасында ұйымдастыру конференциясын және іс-тәжірибе соңында қорытынды конференциясын ұйымдастыру;
  
• 
  педагогикалық іс-тәжірибеден өтетін орынға бөлінгендігі туралы деканатқа мәлімдеме дайындау;
  

• 
  студент-практиканттың шығармашылық жұмыс жасауына бағыт беру;
  
• 
  студенттерге ғылыми-әдістемелік көмек көрсетіп, басшылық жасау,
  

- іс-тәжірибе жетекшісі мектеп әкімшілігі мен мекемеден бөлінген жетекшісінің іс-тәжірибе барысында өз міндеттерін жауапты орындауын қадағалау;

• 
  студенттердің өткізген ашық сабақтарына, тәрбие сабақтарына қатысу, талдау жасау;
  
• 
  топ студенттерінің тапсырған құжаттарын уақытылы тексеру;
  
• 
  іс-тәжірибе жұмысының аяқталуына байланысты есеп дайындау;
  
• 
  студенттердің педагогикалық іс-тәжірибе жұмысы бойынша құжаттарын тексеріп, қорытынды бағаларын қою;
  
• 
  сынақ кітапшасына студенттердің тиісті бағаларын қою.
  

Педагогиалық іс-тәжірибе кезеңіне жеке жұмыс жоспарларының топтамасын (күнтізбелік-такырыптык, күнделікті сабақ жоспары, тәрбие жоспары) кұрастыру.

Іс-тәжірибе басталуына орай, факультетте студенттер мен олардың жетекшілерінің қатысуымен тағайындау конференциясы өтеді. Студент іс-тәжірибеден өту үшін кафедрадан күнделік, бағдарлама алуы керек.

Оқу-таныстыру, психолого-педагогикалық, педагогикалық, өндірістік және диплом алды іс тәжірибелер әр түрлі типтегі мектептерде (жалпы білім беретін мектеп, гимназия, лицей, жекеменшік мектептер т.б.) өтеді. Диплом алды іс-тәжірибе кафедрада да, оқу-ғылыми-өндірістік кешендердің базасында да өте береді.
4 Педагогикалық іс-тәжірибені ұйымдастыру

және өткізу

Мақсаты:

Студенттің ЖОО-да алған теориялық білімдерін практикамен байланыстырып, оны жан-жақты дамыту, сонымен бірге мұғалімге қажетті педагогикалық, психологиялық, әдістемелік білімдерін, біліктіліктерін және іскерлік дағдыларын қалыптастыру, ақпараттық, компьютерлік және математикалық мәдениетке тәрбиелеу.

- қазіргі педагогика ғылымының практикалық жетістіктерімен танысу;

- мектепті жан-жақты зерттеу арқылы өзінің педагогикалық, психологиялық, кәсіптік білімдерін толықтыру;

- жоғары оқу орнынан алған теориялық білімдерін орта мектеп қалыптастырған осы заманғы озық идеялар мен тәжірибелерді меңгеріп, оны жеке оқушы мен түгел сыныппен жұмыс істеу кезінде қолдана білуге үйрену;

- информатикадан сабақ беру.

Практикант-студенттің негізгі міндеттері

Педагогикалық мамандықтар бойынша оқытылатын студенттердің педагогикалық іс-тәжірибесі төмендегі міндеттерден тұрады:

- студенттердің жоғары оқу орнында алған теориялық білімдерін іс-тәжірибе жүзінде қолдануға үйрету;

- педагогика, психология, информатиканы оқыту әдістемесін оқытудың теориялық білімдерін тереңдету және бекіту;

- студенттерге өз бетінше мектепке оқу-тәрбие жұмысын жоспарлау және жүргізуді үйрету, оқушыларды тәрбиелеудің негізгі міндеттерін шешудің шығармашылық жолдарын аныктау;

- студенттерді балалар және жасөспірімдер ұжымымен жұмыс жасауға үйрету;

- педагогикалық ғылым саласында студенттердің ғылыми-зерттеу жұмысына қызығушылығын қалыптастыру, сонымен қатар алдыңғы қатарлы педагогикалық тәжірибеге шолу жасау және қорытындылау;

- оқушылардың танымдық іс-әрекетін белсендіру максатында әртүрлі сабақ оқыту әдістерін қолдану арқылы сабақтарды түрлендіре өтуге үйрету;

- окытудың инновациялық технологияларын қолдану;

Топ жетекшісі:

- педагогика және психология кафедрасының оқытушыларымен бірлесе отырып, студенттерге практиканың барысына жеке жоспар жасауға көмектеседі және практиканттардың жеке жұмыс тақырыптарын бекітеді;

- студенттердің практика қорытындысы бойынша есеп құжаттарын жинап, оларды зерделеп, кафедра жетекшісіне өткізеді;

- факультеттің педагогикалық практикасы бойынша ұйымдастыру және қорытындылау конференциясына қатысады, сонымен қатар оқу-тәрбие мекемелерінің өткізетін мәжілістеріне қатысады.

- педагогика және психология кафедрасының әдіскерлерімен бірге жалпы баға қойып, практика бойынша сынақ қабылдауға қатысады.

Педагогика кафедрасының әдіскері:

• 
  студенттердің педагогикалық практикасына әдістемелік жетекшілік жасайды, оларға тұтас педагогикалық үрдістің көкейтесті мәселелері бойынша кеңестер береді;
  
• 
  практиканттардың оқушымен өткізетін тәрбие жұмыстарын сынып жетекшісімен бірлесе отырып жоспарлайды, оларға кеңес бере отырып тапсырманың орындалуын қадағалайды;
  
• 
  практиканттардың сабақтары мен сыныптан тыс іс-шараларына қатысады, оларды өткізуге жәрдемдеседі. Топ жетекшісімен бірлесе отырып, олардың өткізген жұмыстарын бағалайды;
  
• 
  студенттердің оқушылардың жеке ерекшеліктерін зерттеу жұмыстарына көмектеседі, сыныптың педагогикалық үрдістің болжауға жәрдемдеседі;
  
• 
  оқушылардың отбасыларымен жасалынатын жеке жұмыс түрлеріне бағыт бағдар береді;
  
• 
  ғылыми ізденіс жұмыстары бойынша студенттерге кеңестер береді;
  
• 
  сыныптың оқу-тәрбие үрдісінде студенттердің жаңа технологияны қолдануына кеңестер береді;
  
• 
  педагогикалық практиканың ұйымдастыру және қорытындылау конференциясына қатысады, сонымен қатар мамандық бойынша кафедралардың өткізетін педагогикалық практика мәселелеріне арналған мәжілістеріне қатысады.
  

Мектеп директоры:

• 
  педагогикалық практиканың қалыпты өткізілуіне жағдай жасайды, қызметкерлермен және оқушылармен практика мәселелері бойынша сұхбат өткізеді;
  
• 
  студенттерді оқу-тәрбие мекемесінің жұмыстарымен, мектеп құжаттарымен, мұғалімдер құрамымен, мектептің оқу-өндірістік базасымен (кабинеттермен, шеберханалармен, кітапханалармен және т.б.), оқу-өндірістік және тәрбие жұмыстарының мақсатымен, алдыңғы қатарлы педагогикалық іс- тәжірибемен таныстырады, студенттерге педагогикалық кеңес отырыстарына қатысуға мүмкіндік жасайды, пән бойынша комиссия отырыстарына қарастырады;
  
• 
  практиканың жетекшілермен бірлесе отырып студенттерді сыныптарға бөледі;
  
• 
  өз таңдауы бойынша студент-практиканттардың сабақтарына, тәрбиелік және т.б. іс-шараларына және оларды талқылауға қатысады, педагогикалық практиканы жетілдіру жөнінде өз ұсыныстарын айтады;
  
• 
  оқу-тәрбие мекемесінде педагогикалық практика нәтижесі бойынша педагогикалық кеңес өткізеді, мүмкіндігінше университетттегі ұйымдастыру және қорытындылау конференциясына қатысады.
  

Мұғалім:

• 
  өзіне бекітілген студенттерді өзінің оқу-тәрбие жұмыстарының жоспарымен таныстырады, ашық сабақтар және сыныптан тыс жұмыстарын өткізіп, оны талқылауды ұйымдастырады;
  
• 
  практика бойынша топ жетекшісімен бірлесе отырып сабақ және сыныптан тыс сабақтарының тақырыптарын студенттерге бөледі;
  
• 
  студенттердің сабаққа дайындығын және жоспар конспектілерін бекітеді;
  
• 
  студенттердің әртүрлі сабақтарды өткізуіне жәрдем береді;
  
• 
  студенттерге үйірме жұмыстарын өткізуге, оқушылар дәптерін тексеруге, көрнекіліктер жасауға, кино және диафильмдерді көрсетуге, лабораториялық жұмыстарды өткізуге тапсырмалар береді;
  
• 
  педагогикалық практика қорытындысы бойынша оқу-тәрбие мекемесі басшысы өткізген мәжіліске, мүмкін болған жағдайда университтеттегі ұйымдастыру және қорытындылау конференциясына қатысады.
  

Сынып жетекшісі:

• 
  студенттерді жалпы сыныппен, өзінің жұмысының негізігі міндеттерімен танстырады;
  
• 
  педагогика әдіскерімен және топ жетекшісімен бірлесе отырып, тәрбие жұмыстарын құрастыруға жәрдемдеседі және оны бекітеді, орындалуын қадағалайды, кеңестер береді;
  
• 
  психология әдіскерімен бірлесе отырып оқушыларды және сынып ұжымын зерттеу жұмыстарына жетекшілік етеді, психологиялық-педагогикалық мінездемені құрастыруға көмектеседі;
  
• 
  студенттердің тәрбиелік іс-шараларына қатысады, оларды талқылайды және бағалайды;
  
• 
  студенттердің сыныптың ағымдағы тәрбиелік жұмыстарына қатысуына ықпал етеді;
  
• 
  студенттерге мінездеме береді, олардың тәрбие жұмыстарын бағалайды;
  
• 
  педагогикалық практика қорытындысы бойынша оқу-тәрбие мекмесінің басшысы өткізген мәжіліске, мүмкін болған жағдайда институттағы ұйымдастыру және қорытындылау конференциясына қатысады.
  

Педагогикалық іс-тәжірибеде студенттер психолого-педагогикалық іс-тәжірибедегідей тапсырмаларды орындайды. Психолого-педагогикалық іс-тәжірибедегідей сабақтардың психологиялық-педагогикалық талдауын жасайды.

Оқу пәні ____________________

Сынып _____________________

Өтілетін күні _________________

Сабақтың тақырыбы: Функцияның графигі

Сабақтың мақсаты:

а) жалпы білімділік мақсаты – ** ұғымын енгізу, талдау танысу;

б) дамытушылық мақсаты – ** талдай білуді қалыптастыру;

в) тәрбиелік мақсаты – оқушылардың бақылаушылық қасиетін қалыптастыру.

Сабақтың жабдығы: ** тақырыбына берілген жаңа материалды түсіндіруге арналған слайдтар, т.б..

Сабақтың өткізілу жоспары:

1.Ұйымдастыру кезеңі – 2 мин.

2. Үй тапсырмасын тексеру – 5 мин.

3. Жаңа материалды өтуге дайындық – 7 мин.

4. Жаңа материалды түсіндіру – 10 мин.

5. Жаңа материалды бекіту – 8 мин.

6. Оқушылардың өзіндік жұмысы – 8 мин.

7. Үй тапсырмасын беру, сабақты қорытындылау – 5 мин.

Сабақтың мақсатына қатысты әдістемелікұсыныстар:

Білімділік бөліміне – оқушыларға арнайы тақырыпқа сай білім беру, яғни алдын дайындалған кеспе қағаздары, схемалар, сұрақ - жауап арқылы санасына қалыптастырып, үйрету жатады, «үйрету», «меңгерту», «ұғындыру» сөздері қолданылады.

Дамытушылық – оқушының ақыл – ойын, шығармашылық қасиетіндамытуға, жеке тұлға болып қалыптасуға бағыттайды, «біліктілікті дамыту», «қалыптастыру» көмекші сөздерімен жазылады.

Тәрбиелік – сабақта оқушылардың тақырыпқа сай түсінік – сауатын, оқушыларды сүйіспеншілікке, азаматтыққа, биік адамгершілікке, жоғары санатқа баулу, этикалық, эстетикалық дамуын жалпы халықтық құндылықтар арқылы қалыптастыру, «тәрбиелеу», «қалыптастыру» сөздері арқылы жақылады.
САБАҚ ЖОСПАРЫНЫҢ ҮЛГІСІ

Сабақтың тақырыбы:

Сабақтың мақсаты:

1. Білімділік:

2.Дамытушылық:

3.Тәрбиелік:

1. 
   Ұйымдастыру кезеңі:
   

1. 
   сәлемдесу;
   

2. 
   оқушыларды түгелдеу;
   
3. 
   назарларын сабаққа аудару.
   

2. 
   Үй тапсымасын сұрау:
   

3. 
   Жаңа сабақ
   

4. 
   Сабақты қорытындылау
   

Бағалау 2 мин

4. 
   Үйге тапсырма
   

Іс-тәжірибенің мазмұнын маман дайындаушы кафедра мамандықтың мемлекеттік стандартына сәйкес, іс-тәжірибе өтетін орынның мүмкіндіктері ескеріліп дайындалады.

1. 
   Студенттен теориялық даярлық талап етіледі;
   
2. 
   Студенттен информатиканың есептерін шығара алу, алгоритмін құра алу біліктіліктері талап етіледі;
   
3. 
   Информатикада қолданылатын программалау тілдерінде күрделі программаларды құра білу біліктіліктері талап етіледі;
   
4. 
   Кәсіби пәндер бойынша курстарды зерделеу талабы қойылады;
   
5. 
   Студенттерден педагогика пәнінің талаптары мен мазмұнын жетік білу талап етіледі;
   
6. 
   Студенттерден жас ерекшеліктер психологиясынан білімдері болуы талап етіледі;
   
7. 
   Жоғары технологиялар мен техникалық құрылғыларды қолдана алу іскерліктері;
   
8. 
   Мектеп информатика курсының есептерін шығару практикасы мен дағдыларының болуы талап етіледі.
   
9. 
   Қоғамдық – гуманитарлық бағдарлы мектептерде (сыныптарда) информатиканы оқыту мәселелері бойынша түсініктер болуы;
   
10. 
    Жаратылыстану-математикалық бағдарлы мектептерде (сыныптарда) информатиканы оқыту мәселелері бойынша түсініктері болуы талап етіледі.
    
11. 
    Интернет желісінен қажетті ақпараттарды алу және тиімдісін қолдану біліктіліктерінің болуы;
    

Педагогикалық іс-тәжірибе барысында студент жеке тапсырмаларды орындайды. Тапсырманы әрбір студентке топ жетекшісі береді.

• 
  университеттегі оқыған теориялық білімін бекіту;
  
• 
  компьютерлік желі мен ақпараттық технологияны пайдалану;
  
• 
  арнайы және әдебиеттерді пайдалана отырып, лекция материалдарын, лабораториялық сабақтарды бекіту.
  

1. 
   Педагогикалық іс-тәжірибе күнделігі
   
2. 
   Практика кезінде өткен информатика сабақтарының сабақ жоспарлары.
   
3. 
   Информатиканың және сынып жұмысының тақырыптық-күнтізбелік жоспар көшірмелері.
   
4. 
   Тәрбие сағаттарының сабақ доспарлары
   
5. 
   Информатикадан сыныптан тыс жұмыс жоспары.
   
6. 
   Басқа практиканттың сабағына қатысу нәтижесі ретінде сабаққа талдау.
   
7. 
   Мектепке қатысты материалдар.
   
8. 
   Практиканттың есебі.
   

Күнделікті толтыру ережелері:

• 
  студент іс-тәжірибе барысында бағдарламаға сәйкес күнделікті анық етіп жазып отырады;
  
• 
  Практикант күнделікті толтырып болған соң күнде жектекшіге тексертіп отыруы керек.
  
• 
  Студент іс-тәжірибе соңында мінездеме жазу үшін жетекшіге өткізуі керек.
  
• 
  Түгел толтырылған күнделік студенттің есебіне қосылады. Студенттің есебі күнделіксіз жарамсыз деп табылады.
  
• 
  Дайын болған есепке іс-тәжірибе жетекшісі пікір жазып, («қанағат-сыз», «қанағаттанарлақ», «жақсы», «өте жақсы») бағалайды.
  

Педагогикалық практика барысында студенттердің іс-әрекетін есепке алуды топ басшысы (староста), топ жетекшісі, әдіскер және тағы басқа жоғары оқу орны немесе мектеп қызметкері жүргізеді. Әр мектепте оқу-тәрбие жұмыстарын есепке алу үшін журнал арналады, онда мектептің оқу, жұмыс тәртібі студент–практиканттардың сабаққа қатысуы,оқу және тәрбие жұмыстарының бағалары, жоғарғы оқу орнықызметкерлерінің (әдіскерлердің) педагогикалық практиканы тексеруі және олардың өткізіліп жатқан педагогикалық практика барысы жөніндегі пікірлер мен ұсыныс ескертпелері жазылады.

Есеп іс-тәжірибе бағдарламасының орындалғанын көрсете отырып жазылады.

Есеп А4 форматта, MS Word редакторында, Times New Roman 14 шрифтінде, бір интервалмен жазылуы керек. Сол жағынан 30 мм, оң жағынан 10 мм, төменгі және жоғарғы жағынан 20 мм кем болмауы керек.

Текстегі абзац 7,5 мм отступпен басталуы немесе текстің бесінші таңбасынан кейін жазылуы керек.

1. 
   Сыртқы беті. Сыртқы бетте ( А қара) іс-тәжірибе атауы, өткізу орны, студенттің аты-жөні, жетекшінің аты-жөні жазылады.
   
2. 
   Кіріспе.
   
3. 
   Іс-тәжірибе мазмұны:
   

• 
  Іс-тәжірибе мақсаты мен өткізу уақыты.
  
• 
  Іс-тәжірибе барысында жасалынған жұмыстардың тізбесі.
  

4. 
   Студенттің ғылыми зерттеу жұмыстары.
   

5. 
   Қорытынды:
   

• 
  Сіз қандай оқу-тәрбие міндеттерін шешуге қатыстыңыз?
  
• 
  Педагогикалық практика жоспарының орындалуы: жоспардан ауытқулар болды ма, болса себебеін көрсетіңіз. Жоспардан тыс орындалған іс-шаралар.
  
• 
  Сыныптың педагогикалық үрдісі қалай зерттелінді?
  
• 
  Өткізілген сабақтар саны. Олардың қайсысын өткізуде қиындықтар туындады, себебі неде. Жоғары дәрежеде өткізілген сабақтар (артықшылығы).
  
• 
  Сабақтың қалай дәстүрлі емес әдістері мен формалары қолданылды?
  
• 
  Сабақтарда оқушылардың танымдық іс-әрекетін ұйымдастырудың жеке, топтық және ұжымдық формалары қолданды ма?
  
• 
  Педпрактика барысында қандай тәрбие міндеттері шешілді? Балалар ұжымында қандай тәрбие жұмыстарының формаларын қолдану тиімдірек болды? Орта деңгейде өткізілген тәрбие жұмыстары (себептері). неде?
  
• 
  Мұғалімнің топтағы әксперимент, ғылыми ізденіс жұмыстарына қатыстыңыз ба? Егер қатысқан болсаңыз нәтижесі қандай? Сіз өзіңіз қандай бағыттағы зерттеу жұмысын жүргіздіңіз?
  
• 
  Практика бойынша жалпы қорытынды. Сіздің болашақ мамандығыңызды меңгерудегі оның маңызы. Практиканы жақсарту жөнінде өз ойларыңыз бен ұсыныстарыңыз.
  

6. 
   лар (тек психолого-педагогикалық, педагогикалық іс-тәжірибе үшін):
   

• 
  Студенттің қатысқан сабақтарына өзіндік қысқаша талдаулары.
  
• 
  Күнтізбелік –тақырыптық жоспар.
  
• 
  Сынып жетекшісінің оқушылармен жүргізілетін тәрбие жұмыстарының жоспары.
  
• 
  Өткізілген сыныптан тыс іс-шаралардың жазба бөлігі (ашық-тәрбие сағатының разработкасы).
  
• 
  Психология пәні бойынша тапсырмалар
  
• 
  Педагогикалық практика нәтижесі бойынша мектепте өткізілген педагогикалық кеңестің хаттамасынан көшірме.
  

• 
  Ашық немесе сынақ сабақтарының дидактикалық материалдары (көрнекіліктері)