Жарық интерференциясының қолданылуы

Интерференция құбылысы жарықтың толқындық табиғатын білдіреді.Сондықтан бұл құбылыс жарықтың толқындық табиғатын дәлелдеуде және толқын ұзындықтарын өлшеулерде қолданылады.

1. Беттердің тегістігін тексеру

Интерференция құбылысы оптикалық приборлардың сапасын арттыруда қолданылады, мысалы, олардың беттері өте тегіс болу керек. Осы кезде приборлардың өңдеу сапасын интерференциялық тәсілдермен тексереді. Ол үшін эталондық пластина бетіне тексерілетін шыны пластинаны беттестіріп қояды, беттердің тегіс еместігінің салдарынан араларында ауа-сына қалады. Сәулелерді осы пластинадан өткізгенде бірдей қалыңдықты интерференциялық жолақтар пайда болады. Осы жолақтар арқылы тексерілетін беттің сапасын анықтайды.

2. Оптиканың жарқындануы

Қазіргі кездегі оптикалық құралдардың объективтері бірнеше линзалардан тұратындықтан, ал әртүрлі перископтарда бірнеше призмалар болады. Мұндай приборлардан өткен жарық бірнеше беттерден шағылады. Нәтижесінде жарық ағынының да шығыны көп болып, өткен жарықтың қарқындылығы азайып, приборды жарықкүші кемиді, сапасы нашарлайды. Осы кемістікті болдырмау үшін, шағылу коэффиценттерін азайту керек. Сонда кескіннің жарықталынуы артады. Оптиканың жарқындалынуы деген термин осыдан шыққан. Ол үшін линза бетін сыну көрсеткіші линзаның сыну көрсеткішінен кіші болатын жұқа қабыршақпен қаптайды. (2.2.5.1-сурет).

2.2.5.1-сурет