Қазақстан республикасы білім жəне ғылым

ТҮСІНІК ХАТ

Бүгінгі бастауыш сынып мұғалімдерін даярлау жүйесі түбегейлі өзгерістерге ұшырап отыр. Оның бағыты əлемдік білім беру кеңістігіне енуге бағытталған Қазақстан Республикасындағы білім берудің жаңа жүйесінің қалыптасуымен анықталады. Жүріп жатқан өзгерістер Қазақстан республикасындағы бастауыш мектептер үшін болашақ мамандарды даярлаудың мазмұнын қайта қарауды жəне жаңартуды талап етеді. Қазіргі кезеңде бастауыш мектептер педагогикалық үдерісті жүзеге асыруға теориялық жəне практикалық даярлығы бар, педагогикалық бағыттарды ерікті таңдап алудың өскелең жағдайында сенімді бағдар ала алатын, пайда болған өзгерістерді жүйелі, тұтас қарауға қабілетті, барлық жаңалықты қабылдауға, өзбетімен жаңа білім алуға, дəстүрлі емес жағдайларда шешім қабылдауға қабілетті мұғалімге мұқтаж. Сондықтан да 5В010200 –

«Бастауышта оқыту педагогикасы мен əдістемесі» мамандығы бойынша

«Педагогика» базалық пəн ретінде бакалаврлардың кəсіби дайындығында шешуші курс болып табылады. Бұл пəнді оқу бакалаврларға педагогиканың əдіснамалық негізін, негізгі педагогикалық ұғымдарды, педагогиканың құрылымын, оқу мен тəрбиенің заңдылықтары мен ұстанымдарын, тəрбие мен оқытудың мазмұнын, əдістерін, құралдарын, формаларын игеруге, балалардың жас ерекшеліктерімен танысуға, бастауыш сыныптағы педагогикалық үдерістің жүруі мен нəтижелерін шартты анықтайтын тəуелділіктерді ашуға, бастауыш мектеп мұғалімдері алдында тұрған міндеттерді игеруге мүмкіндік береді.