Қазақcтан Республикасы Білім және Ғылым министрлігі

жүктеу 13,86 Kb.

Дата	20.05.2018
өлшемі	13,86 Kb.
	#15112

Қазақcтан Республикасы Білім және Ғылым министрлігі
«Ш.Уәлиханов атындағы Көкшетау мемлекеттік университеті» ШЖҚ РМК
Жаратылыстану ғылымдар факультеті
Физика және математика кафедрасы
Бркенова Асемгуль Сексенбайевна, Физика және математика
кафедрасының оқытушысы, физика магистрі
Физика 2
Мамандық 5В070700 – Тау кен ісі
Көкшетау 2016 ж.

курс	семестр	Кредит саны	Дәріс сағаты	Практ, семинар сабақ - тарының сағаты	Лаборат. Саба - ғының сағаты	ОСӨЖ сағат саны	СӨЖ Сағат саны	Бар - лығы	Бақылау түрі
2	3	3	30	7	8	15	75	135	емтихан

Жұмыс оқу жоспарынан көшірме:

Пререквизиттері: математика 1; математика 2; физика курсы 1; жалпы химия курсы.
Постреквизиттері: Оптика. Кванттық физика. Атом ядросы және элементар бөлшектер.
Пәнді сипаттау:
Кіріспе. Физика материя қозғалысының қарапайым түрлері және оларға сәйкес келетін табиғаттың аса ортақ заңдары туралы ғылым ретінде. Физиканың И. Ньютонның механикасынан Дж.К. Максвеллдің электрмагниттік өріс теориясына және кванттық түсініктердің туындауына, атомдық, ядролық физиканың және қазіргі физиканың басқа бөлімдерінің теориялық базасы болған салыстырмалылық теориясын және кванттық механиканы құруға дейін дамуының маңызды кезеңдері. Физикалық зерттеу әдістері: тәжірибесі, гипотезасы, эксперименті, теориясы. Физиканың техниканың жаңа салалары мен жаңа технологияларды құру және дамытудағы ролі. Физика және басқа ғылымдар. Физикалық модельдеу. Физика курсының жалпы кұрылымы және міндеттері.

Пәнді оқыту мақсаты: «Физика 2» пәнін зерделеудің мақсаты білімді қалыптастыру және қазіргі физиканың физикалық құбылыстары мен заңдарын меңгеру болып табылады.
Пәнді зерделеу нәтижесінде студенттің;
әр түрлі физикалық ұғымдар, заңдар мен теориялар құбылыстарының қолданылу шекаралары туралы түсінігі болуы тиіс;
негізгі физмкалық құбылыстарды, классикалық және қазіргі физика заңдарын білуі тиіс;
қазіргі физикалық құбылыстарды және заңдарды практикалық қызметте пайдалану және физикалық эксперимент нәтижелерін түсіндіріп беру ептілігі болуы тиіс;
физиканың нақты есептерін шешудің және физикалық эксперимент жүргізудің практикалық дағдылары болуы тиіс;
берілген пән бойынша әр түрлі мәселелерде құзіретті болуы тиіс.

№	Мазмұны (тақырыбы және сұрақтары)
1	Оптика Электрмагниттік өріске арналған толқындық теңдеу. Электрмагниттік толқындардың қасиеттері. Электрмагниттік энергия ағынының тығыздығы. Умов-Пойнтинг векторы. Дипольдің сәуле шығаруы.
2	Сәулелік (геометриялық) оптика туралы ұғым. Шағылысу және сыну заңдары. Толық шағылысу кұбылысы. Фотометрия.
3	Жарық толқындарының қасиеттері. Толқын пакеті. Топтық жылдамдық. Жарық толқындарының интерференциясы. Когеренттілік. Интерферометрлер.
4	Толқындар дифракциясы. Гюйгенс-Френель принципі. Френель аймақтары әдісі. Френель дифракциясы. Фраунгофер дифракциясы. Бір саңылаудағы және көп саңылаудағы дифракция. Спектрлік ыдырау. Голография.
5	Заттағы электрмагниттік толқындар. Жарықтың затта таралуы. Жарық қысымы. Жарық дисперсиясы Жарықтың жұтылуы. Жарықтың полярлануы. Полярланған жарықты алу тәсілдері.
6	Кванттық физика Жылулық сәуле шығару. Абсалют қара дененің сәуле шығару проблемалары. Кванттық гипотеза және Планк формуласы. Фотондар. Энергия және жарық кванттарының импульсі.
7	Кванттық теорияның негізгі идеяларын эксперименттік негіздеу. Фотоэффект. Рентген сәулесін шығару. Комптон эффектісі. Атомдардың сызықтық спектрлері. Бор постулаттары.
8	Корпускулалы-толқындық екі жақтылық. Де Бройль гипотезасы. Электрондар дифракциясы. Анықталмағандықтар ара қатысы. Микробөлшектердің толқындық қасиеттері және анықталмағандықтар ара қатысы. Сәйкестік принципі. Толқындық функцияның статистикалық мағынасы.
9	Шредингердің уақытша және тұрақты теңдеулері. Бір өлшемді тік бұрышты шұңқырдағы бөлшек. Бөлшектің потенциалдық тосқауыл арқылы өтуі.
10	Кванттық теориядағы сутектің атомы және молекуласы. Сутек атомына арналған Шредингер теңдеуі. Сутекке ұқсас атомдар. Энергетикалық деңгейлер. Деңгейлердің ені. Кеңістіктік кванттау. Кванттық сандар. Паули принципі. Кванттық электроника элементтері. Тосын және еріксіз сәуле шығару. Лазерлер.
11	Кванттық статистика элементтері. Фазалық кеңістік. Элементар ұяшық. Бозе-Эинштейннің және Ферми-Дирактың кванттық статистикалары туралы ұғым. Квазибөлшектер. Олардың анықтамалары және түрлері.
12	Конденсацияланған күй. Құрылымдық кристаллография элементгері. Кристалл құрылымдарды зерттеу әдістері. Кристалл тордың жылу сыйымдылығы. Фонондық газ. Металдардың электр өткізгішгігі. Токты тасығыштар квазибөлшектер ретінде. Кристалдардағы энергетикалық аймақтар. Төмен өлшемді жүйелері. Ферми деңгейі. Ферми беті.
13	Аймақтық теориядан металдар, диэлектриктер және жартылай өткізгіштер. Электрондық және тесікті өткізгіштік ұғымы. Меншікті және қоспалы өткізгіштік. Асқын өткізгіштік құбылысы. Ферромагнетиктер қасиеттері туралы кванттық түсініктер. Алмасатын өзара әрекеттесу. Кюри температурасы. Ферромагнетиктердің магниттелуі.
14	Атом ядросы және элементар бөлшектер Атом ядросы. Атом ядроларының құрылысы. Ядролық күштер. Ядролық күштердің алмасу сипаты. Альфа-, бета- және гамма-сәулеленулер заңдылықтары. Ядролық реакциялар. Атом ядроларының радиоактивті түрленуі. Ядролық бөліну реакциялары. Бөлінудің тізбекі реакциясы. Ядролық реактор. Синтез реакциясы. Энергия көздерінің проблемасы.
15	Элементар бөлшектер. Лептондар, адрондар, кварктар. Күшті, электрмагнитті, әлсіз, гравитациялық өзара әрекеттесулер. Қазіргі физиканың және астрофизиканың негізгі проблемалары туралы ұғым.
	Барлығы

жүктеу 13,86 Kb.

Достарыңызбен бөлісу: