Ауыл кітапханасында балалар мен жасөспірімдерді ақпаратпен қамту мәселесі туралы» өткен семинар-кенес туралы.
Семинар кеңеске аудандық мәдениет және тілдерді дамыту бөлімінің бас маманы Н.Ахметова мен аудандық әкімшіліктің ішкі саясат бөлімінін маманы Е.Көшкінбаев қатысты. Семинар ашылғаннан кейін Н.Ахметова құттықтап, семинар-кеңестің өте жоғары дәрежеде өтуіне тілек білдірді.
1 бөлімінде «Кітапхана білім мен ақпарат қазынасы» атты тәжрибелік сабақ өткізілді.
П-бөлімінде: Оқырман, Ақпарат, Кітап» атты іс-тәжрибе трибунасына кезек келді. Бұл бөлімде сәуір айында облыстық А.С.Пушкин атындағы кітапхананың «Біліммен дағдарысты жеңеміз» атты бағдарламасы жарияланған. Сол бағдарламаға үн қосып, Тарбағатай ауданының кітапханалары да «Біліммен дағдарысты женеміз» атты көрме жасалып,оған библиографиялық шолу жасалды. Шолуды кітапханашы С.Қарымсақова жасады. Өз тәжрибесі туралы Г.Нурмолдина қосымша айтып өтті.
Келесі «Ақпаратты сақтау және насихаттау кітапхананың басты мақсаты» атты тақырып бойынша өзінің іс-тәжрибесі туралы Ф.Абдильдаева мен М.Дүйсекенова өте қызықты көрнектілікпен әңгімелеп берді. «Библиография және ақпараттық қызымет көрсетудің жаңа белестері» атты тақырып бойынша библиографтар Н. Жарылқасынова мен Ғ. Қожанова жасаған «ақпарат парақтарын» көрсетіп,библиография жұмысының қызыкты да қиын екендіктерін кітапханашыларға жеткізді.
«Жасөспірімдер мен балалардың кітап патшалығына саяхат» атты ойынын өткізген К.Кіршібаева, Н.Жунусова, К.Қалимолдина, Б.Заманбековалар 4 аялдама жасап әр түрлі тақырыптарда кітапханаға келіп түскен жана кітаптар туралы библиографиялық шолулар жасады. Мысалы: «Отан, тарих, білім бәрі кітапта» атты кітап патшалығына саяхатты К.Калимолдина өткізсе, «Балалар энциклопедиясы - балдырғандардың олжасы» атты тақырыпта К.Кіршібаева, «Қазақ хандығы» тақырыбында Б.Заманбекова, «Ақпарат әлеміне саяхат»» бөлімін Н.Жунусова әңгімелеп берді. «Кітап біздің досымыз» атты интернеттен алынып жасалған слайдтарды Н. Жунусова көрсетіп, кітапханашылар өте риза болды.
Өкінішке орай, бұл саяхат ойында Б.Заманбекова мен К.Калимолдиналар өте сылбыр, дұрыс дайындалмағандықтан ойдағыдай шықпады.
«Балалардың кітап оқуға қызығушылығын қалыптастырудың жолдары» деген тақырыпта Г.Нұрхабанова мен Л.Қамбарова өздеріндегі істелген жұмыстары туралы, қызығушылар клубының, қуыршақ театрының жұмысы арқылы оқушыларды калай кітапханаға тартып жұмыс істеп жатқандықтары туралы әңгімеледі. Кітапханашы Л.Қамбарованын «Кітап аурулары» оған қойған диагноздары мен қалай емдеудің жолдары туралы өте қызықты әңгімесі кітапханашылардың ойларынан шықты.
«Кітапханадағы ақпараттық технологиялардың дамуы, келешекке көзқарасы туралы» және В. К. Степановтың «Ақпараттық қызыметте интернетті пайдалану» атты кітаптың тұсаукесері және акпаратты насихаттаудың жолдары туралы слайдтар жасап, кітап туралы, осы кітаптың тұсаукесері облыстық А. С. Пушкин атындағы кітапханада өткізілгендегі, оған өзінің қатысып қалай өткендігі туралы оператор Ж. Ғалымбекова өте қызықты түрде кітапханашыларға жасаған слайдтарымен көрсетіп берді. Бұл кітап облыстық кітапханадан 10 мың теңгеге 10 кітап алынды, алдағы уақытта таратып беріледі.
«Оқырман, кітапхана, ақпаратты насихаттауда көпшілік жұмыстарынын сценарилері» жинақталып арнайы қазылар алқасы тексеріп, оның мазмұны, тақырыбы, мақсаты және өте сауатты жасалған К.Қайранова, Ж..Рысбекова, М.Дүйсекеновалардың жасаған сценарилері өте жақсы деп аталып, басқа кітапханаларға таратылды.
Ш-бөлімі «Ой сергіту» әдеби шығармашылық ойындар бөлімінде кітапханашылар үш топқа бөлінді: «Оқырман», «Ақпарат», «Кітап».
Бұл топта биылғы жылы «Біл ел-бір кітап» акциясы М.Жұмабаевтың «Жан сөзі» атты кітабынан болғандықтан сол кітаптын беташары өткізіліп, М. Жұмабаев туралы «Кім тапқыр» атты білімділер сайысы болды. М. Жұмабаевтын өмірі мен творчествосы туралы сұрақтар қойылды. М Жұмабаевтын «Жан сөзі» кітабындағы өлендерін жатқа оқу, сұрақтарға жауап берген кітапханашыларға жұлдызшалар таратылды. М Жұмабаевтын «Жан сөзін» «Оқырман» тобының мүшесі К. Балтабаева жатқа оқып, өзін жаңа бір қырынан көрсетіп, екі жұлдызшаға ие болды.
«Ақпарат менің өмірімде» атты бөлімінде әр топ өздеріндегі кітаптары мен мерзімді басылымдарды қалай насхаттайтындығы туралы әңгімелеп берді. Бұл бөлімде «Ақпарат» тобының мүшесі К.Бексайынова «Ақ Ертіс» әдеби журналын қалай насихаттағандығы кітапханашыларға өте қатты ұнады. «Оқырман» тобындағы көп жылғы тәжибелі кітапханашы Г.Абылқасымова өзінің ақпаратты қалай насихаттайтындығы өте жұпыны, кітапханашыларды қызықтырмады. Бұл бөлімде «Кітап» тобы 10 жұлдызша, «Оқырман» тобы 6 жұлдызша, «Ақпарат» тобы 10 жұлдызша жинап, келесі кезек кітапханашылар өз өнерлерін көрсетті. Бұл жарыста «Кітап» тобынан М. Омарова «Асыл ана» әнін нақышына келтіріп орындап 1 жұлдызшаға ие болса, «Оқырман» тобы К. Балтабаева «Ана жырын» орындап 1 жұлдызшаға ие болды. Ал «Ақпарат» тобы «Армандастар» әнін хор түрінде айтып жұлдызшаға ие бола алмады. Қорытындылау бөлімінде 11 жұлдызшаға ие болған «Кітап» тобы 1 орын алып мақтау грамотасы және бағалы сыйлықпен, мүшелері ынталандыру сыйлықтарымен марапатталса, «Ақпарат» тобы 2 орын мактау грамотасы және бағалы сыйлық, мүшелері ынталандыру сыйлықтарымен, 3 орынды
«Оқырман» тобы мақтау грамотасы және бағалы сыйлықпен, мүшелері ынталандыру сыйлықтарымен марапатталды. Семинар-кеңестің қалай өткендігі туралы кітапханашылар пікірлерін айтып, семинардың өте жоғары дәрежеде өткендігі туралы, көп мағлұмат алғандықтары туралы, жаңадан тұрған кітапханашылар К.Балтабаева мен А.Қизатова өздері осы семинардан көп нәрсе көргендігі және үйренгендіктері туралы пікірлерін айтып, алдағы уақытта өз жұмыстарын осындай дәрежеде жалғастыратындықтары туралы айтты. Барлық кітапханашылар өз пікірлерінде семинар-кеңестің өте қызықты және тартымды, пайдалы болғандықтарына тоқталып аудандық кітапхананын басшылығына рахметтерін айтты.
С. Даулетшина, Орталықтандырылған кітапханалар
жүйесінің директоры.
Достарыңызбен бөлісу: |
